కేర‌ళ‌కు లారెన్స్ భారీ సాయం
- IndiaGlitz, [Thursday,August 23 2018]
డాన్స్ మాస్ట‌ర్, డైరెక్ట‌ర్‌, యాక్ట‌ర్ రాఘ‌వ లారెన్స్.. కేవ‌లం సినిమాలకే ప‌రిమితం కాకుండా సామాజిక సేవ చేయ‌డానికి ఎప్పుడూ ముందుంటారు. త‌న వ‌ద్ద ఉన్న డ‌బ్బుతో చిన్న‌పిల్ల‌ల‌కు గుండె ఆప‌రేష‌న్ చేయించ‌డం.. విక‌లాంగుల‌కు స‌హ‌కారం అందించ‌డం.. వంటి సేవా కార్య‌క్ర‌మాలు చేస్తుంటారు. ఇప్పుడు ఆప‌న్నుల‌కు స‌హాయం చేయ‌డంలో తాను ఎప్పుడూ ముందుంటాన‌ని లారెన్స్ మ‌రోసారి ప్రూవ్ చేసుకున్నారు.
ఇటీవ‌ల జ‌ల విల‌యం కార‌ణంగా కేర‌ళ రాష్ట్రం భారీగా న‌ష్ట‌పోయింది. ప్రాణ, ఆస్థి న‌ష్టం ఎక్కువ‌గా జ‌రిగింది. వీరిని ర‌క్షించ‌డానికి త‌మ వంతుగా అంద‌రూ ముందుకు వ‌చ్చారు. సినీ, రాజ‌కీయ, వ్యాపార ప్ర‌ముఖులు కేర‌ళల‌కు విరాలాల‌ను అందించారు. ఈ వ‌రుస‌లో లారెన్స్ చేరాడు. లారెన్స్ కోటి రూపాయ‌ల విరాళాన్ని ఇవ్వ‌డం విశేషం.