தமிழக முதல்வர் முக ஸ்டாலின் நடித்த 44வது செஸ் ஒலிம்பியாட் போட்டியின் டீஸரை சூப்பர் ஸ்டார் ரஜினிகாந்த் அவர்கள் வெளியிட்டுள்ளார்

44வது சர்வதேச செஸ் ஒலிம்பியாட் போட்டி ஜூலை 28-ஆம் தேதி முதல் ஆகஸ்ட் 10-ஆம் தேதி வரை மாமல்லபுரத்தில் நடைபெற உள்ளது. இதற்கான அனைத்து ஏற்பாடுகளையும் தமிழக முதல்வர் செய்ய உத்தரவிட்டுள்ளார் என்பது தெரிந்ததே.

இந்த நிலையில் இந்த போட்டி குறித்த டீசர் சற்றுமுன் வெளியாகியுள்ளது. இந்த டீசரில் தமிழக முதல்வர் முக ஸ்டாலின், ஏ.ஆர் ரஹ்மான் உள்ளிட்ட பலர் நடித்துள்ளனர். சற்று முன் இந்த டீசரை சூப்பர் ஸ்டார் ரஜினிகாந்த் அவர்கள் தனது டுவிட்டர் பக்கத்தில் வெளியிட்டுள்ள இந்த வீடியோ தற்போது வைரல் ஆகி வருகிறது. இந்த வீடியோவில் உள்ள தமிழக முதல்வரின் காட்சிக்கு வாழ்த்துக்கள் குவிந்து வருகிறது. இந்த டீசரை இயக்குனர் விக்னேஷ் சிவன் இயக்கியுள்ளார் என்பதும் இசைப்புயல் ஏ.ஆர்.ரஹ்மான் இசையமைத்துள்ளார் என்பதும் குறிப்பிடத்தக்கது.

44வது செஸ் ஒலிம்பியாட் போட்டியின் தொடக்க விழா வரும் 28ஆம் தேதி நடைபெறவுள்ள நிலையில் இந்த நிகழ்ச்சியில் பிரதமர் மோடி, முதல்வர் ஸ்டாலின் உள்பட பலர் கலந்து கொள்ளவுள்ளனர் என்பது குறிப்பிடத்தக்கது

#ChessChennai2022 pic.twitter.com/tiZeCN0a5v

— Rajinikanth (@rajinikanth) July 15, 2022