ஒரே நேரத்தில் ரஜினியின் இரண்டு படங்களின் படப்பிடிப்பா?
- IndiaGlitz, [Sunday,April 09 2023]
சூப்பர் ஸ்டார் ரஜினிகாந்த் தற்போது நெல்சன் இயக்கத்தில் உருவாகி வரும் ’ஜெயிலர்’ என்ற படத்தில் நடித்து முடித்துள்ளார் என்பதும் இந்த படத்தில் அவருடைய காட்சிகளின் படப்பிடிப்பு முடிந்து விட்டதாகவும் கூறப்படுகிறது.
இந்த நிலையில் ஐஸ்வர்யா ரஜினிகாந்த் இயக்கத்தில் உருவாகி வரும் ’லால் சலாம்’ என்ற படத்தின் படப்பிடிப்பில் ரஜினிகாந்த் கலந்து கொள்ள உள்ளார் என்றும் அவரது சம்பந்தமான காட்சிகள் சென்னை மற்றும் மும்பையில் படமாக்கப்பட இருப்பதாகவும் கூறப்படுகிறது.
இந்த நிலையில் ரஜினியின் 170-வது திரைப்படத்தை ’ஜெய்பீம்’ இயக்குனர் ஞானவேலு இயக்க இருப்பதாக சமீபத்தில் அறிவிக்கப்பட்டது என்பதும் இந்த படத்தை லைகா நிறுவனம் பிரமாண்டமான தயாரிக்க உள்ளது என்பது குறிப்பிடத்தக்கது. இந்த நிலையில் இந்த படத்தின் படப்பிடிப்பு வரும் மே மாதம் தொடங்க உள்ளதாக கூறப்படுகிறது.
எனவே ’லால் சலாம்’ மற்றும் ’தலைவர் 170’ ஆகிய இரண்டு படங்களின் படப்பிடிப்புகளிலும் ரஜினிகாந்த் மாறி மாறி கலந்து கொள்வார் என்றும் ஒரே நேரத்தில் ரஜினியின் இரண்டு படங்களின் படப்பிடிப்பு நடைபெற இருப்பதாகவும் செய்திகள் வெளியாகி உள்ளன.
’லால் சலாம்’ திரைப்படத்திற்கு ஏஆர் ரகுமானும், ‘தலைவர் 170’ திரைப்படத்திற்கு அனிருத்தும் இசையமைக்க உள்ளனர் என்பது குறிப்பிடத்தக்கது.