రామ జన్మభూమి ట్రస్ట్ అధ్యక్షుడికి కరోనా పాజిటివ్..
- IndiaGlitz, [Thursday,August 13 2020]
ఉత్తరప్రదేశ్‌లోని అయోధ్య రామ మందిర నిర్మాణం కోసం ఏర్పాటైన రామ జన్మభూమి తీర్థ క్షేత్ర ట్రస్ట్ అధ్యక్షుడు నృత్య గోపాల్ దాస్‌కు కరోనా పాజిటివ్‌గా నిర్ధారణ అయింది. ఇటీవల అయోధ్యలో జరిగిన రామ మందిర భూమి పూజ కార్యక్రమాన్ని ఆయన స్వయంగా పర్యవేక్షించారు. అంతేకాదు.. ప్రధానమంత్రి నరేంద్రమోదీతో పాటు వేదికపై ఉన్న ఐదుగురు ప్రముఖుల్లో నృత్యగోపాల్ దాస్ ఒకరు.
శ్రీకృష్ణ జన్మాస్టమి సందర్భంగా మధురకు వెళ్లిన ఆయనకు శ్వాసకోశ సమస్యలు రావడంతో వైద్యులు ఆయనను పరీక్షించారు. కోవిడ్ పరీక్ష నిర్వహించగా పాజిటివ్ అని తేలింది. నృత్యగోపాల్‌దాస్‌కు కరోనా సోకిన విష‌యం తెలుసుకున్న‌సీఎం యోగి ఆదిత్యనాథ్ ఆయన ఆరోగ్య పరిస్థితిపై ఆరా తీశారు. మెదాంతకు చెందిన డాక్టర్ త్రెహన్‌తో ఫోన్‌లో మాట్లాడి, నృత్య గోపాల్ దాస్‌కు సరైన వైద్య సదుపాయాలు కల్పించాలని కోరారు.