உத்திரப்பிரதேசத்தைச் சேர்ந்த ஒரு இளைஞர் சமூக வலைத்தளத்தில் திடுக்கிடும் போஸ்ட் ஒன்றை போட்டிருக்கிறார். அதில் யாரையாவது மிரட்ட வேண்டுமா? ரூ.1,000 கொடுத்தால் போதும், அதேபோல அடிக்க வேண்டுமா? அதற்கு ரூ.5,000, காயப்படுத்த வேண்டுமா? அதற்கு ரூ.10,000 ஒட்டுமொத்தமாக கொலை செய்ய வேண்டுமா? அதற்கு ரூ.55,000 அவ்வளவுதாங்க ரேட்டு. இந்தப் புகைப்படத்தைப் பார்த்த பலரும் பதறி இருக்கின்றனர்.

இதையடுத்து சர்ச்சைக்குரிய இந்த புகைப்படத்தை பதிவிட்டது யார் என்ற தேடுதல் வேட்டையைத் தற்போது போலீசார் துவங்கி உள்ளனர். அதில் சரதவல் எனும் காவல் நிலையப் பகுதியில் உள்ள சவுக்கடா எனும் கிராமத்தைச் சேர்ந்த இளைஞர்தான் இப்படி சமூக வலைத்தளத்தில் பதிவிட்டு இருக்கிறார் என்பது கண்டுபிடிக்கப் பட்டுள்ளது.

மேலும் நடத்தப்பட்ட விசாரணையில் இளைஞருக்கு சம்பந்தப்பட்ட கும்பல் ஒன்று அப்பகுதியில் பல நாட்களாக இதுபோன்ற வேலைகளை செய்து வருவதாகவும் கூறப்படுகிறது. அந்த Gangster கும்பல் அடி, உதை, மிரட்டல், காயப்படுத்தி தாக்குவது, அதோடு கொலை செய்வது போன்ற ஒவ்வொரு அடியாள் வேலைக்கும் எவ்வளவு பணம் வாங்கப்படும் என்பது போன்ற குறிப்புகளோடு ஒரு புகைப்படத்தை வெளியிட்டு உள்ளது. அந்தப் புகைப்படத்தில் ஒரு இளைஞர் தனது கையில் கைத்துப்பாக்கியை வைத்துள்ளார்.

மேலும் பார்ப்பதற்கு அந்த இளைஞர் சிறுவன் போல காட்சியளிக்கிறார். இந்நிலையில் உண்மையிலேயே இப்படி ஒரு கும்பல் செயல்படுகிறதா எனப் பலரும் கேள்வி எழுப்பி வருகின்றனர். ஆனால் இதுவரை Gangster கும்பலைச் சேர்ந்த ஒருவரும் போலீசிடம் மாட்டவில்லை என்பதும் குறிப்பிடத்தக்கது.