என்னை பொருத்தவரை மோடி-அம்பேத்கர் ஒப்பீடு சரிதான்: எஸ்.ஏ.சந்திரசேகர்
- IndiaGlitz, [Saturday,April 30 2022]
என்னை பொருத்தவரை பிரதமர் மோடியை அம்பேத்கருடன் ஒப்பிட்டு இளையராஜா பேசியதில் எந்தவித தவறும் இல்லை என தளபதி விஜய்யின் தந்தையும் இயக்குனருமான எஸ்ஏ சந்திரசேகர் கூறியுள்ளார்.
கடந்த சில நாட்களுக்கு முன்னர் பிரதமர் மோடியை சட்டமேதை அம்பேத்கர் உடன் ஒப்பிட்டு இசைஞானி இளையராஜா கூறியது பெரும் பரபரப்பை ஏற்படுத்தியது. இதற்கு பல திரையுலக பிரபலங்கள் மற்றும் அரசியல் வாதிகள் இளையராஜாவுக்கு கண்டனம் தெரிவித்து வருகின்றனர்.
இந்த நிலையில் விஜய்யின் தந்தையும் இயக்குனருமான எஸ்.ஏ.சந்திரசேகர் சமீபத்தில் அளித்த பேட்டியில், ‘எதிர்கால இந்தியா எப்படி இருக்க வேண்டும் என்ற தொலைநோக்கு பார்வையுடன் பிரதமர் மோடி செயல்பட்டு வருகிறார். அதனால் அம்பேத்கருடன் மோடியை ஒப்பிட்டு இளையராஜா பேசியதில் எந்தவித தவறும் இல்லை’ என்று கூறியுள்ளார். அவரது இந்த கருத்து பெரும் பரபரப்பை ஏற்படுத்தி உள்ளது.