ஜாக்கிசான் பாணியில் ஸ்டண்ட் காட்சிகள்: சந்தானத்தின் புதிய முயற்சி
- IndiaGlitz, [Friday,June 07 2019]
நடிகர் சந்தானம் நடித்து வரும் 'டகால்டி' படத்தின் இரண்டு லுக் நேற்று இணையதளங்களில் வெளியாகி பெரும் பரபரப்பை ஏற்படுத்திய நிலையில் இந்த படத்தில் சந்தானம், மும்பையில் செட்டிலான தமிழ்ப்பையன் கேரக்டரில் நடித்து வருகிறார்.
இந்த படத்திற்கு ஸ்டண்ட் இயக்குனராக பணிபுரியும் ஸ்டண்ட் சில்வா, முதல்முறையாக ஜாக்கிசான் பாணியில் காமெடியுடன் கூடிய ஸ்டண்ட் காட்சிகளை வைத்துள்ளார். இது சந்தானத்தின் புதிய முயற்சியாகவும் பார்க்கப்படுகிறது.
இந்த படத்தின் படப்பிடிப்பு 70% முடிந்துவிட்டதாகவும், மும்பை மட்டுமின்றி சென்னை, புனே, ஆந்திரா, அம்பாசமுத்திரம், திருச்செந்தூர் உள்ளிட்ட இடங்களில் இந்த் படத்தின் படப்பிடிப்பு நந்துள்ளதாகவும் படக்குழுவினர் தெரிவித்தனர் பெங்காலி மொழி நடிகை ரித்திகா சென் இந்த படத்தில் தமிழ்ப்பெண்ணாக நடித்துள்ளார்.
விஜய் ஆனந்த் இயக்கி வரும் இந்த படத்திற்கு விஜய் நரேன் இசையமைத்து வருகிறார். தீபக்குமார் ஒளிப்பதிவில், சுரேஷ் படத்தொகுப்பில் உருவாகி வரும் இந்த படத்தில் யோகிபாபு முக்கிய வேடத்தில் நடிக்கின்றார் என்பது குறிப்பிடத்தக்கது.