விஜய்யின் 'வாரிசு' ஒரு ஃபேமிலி சப்ஜெக்ட் படமா? சரத்குமார் வெளியிட்ட ஆச்சரிய தகவல்!
- IndiaGlitz, [Saturday,July 30 2022]
தளபதி விஜய் நடித்து வரும் ‘வாரிசு’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படம் குறித்து நடிகர் சரத்குமார் கூறிய தகவல் இணையதளங்களில் வைரலாகி வருகிறது.
‘வாரிசு’ திரைப்படம் முழுக்க முழுக்க ஒரு ஃபேமிலி சப்ஜெக்ட் படம் என்று செய்திகள் வெளியாகிக் கொண்டிருக்கும் நிலையில் இது குறித்த கேள்விக்கு பதிலளித்த நடிகர் சரத்குமார், ‘வாரிசு’ திரைப்படம் ஒரு முழுமையான ஃபேமிலி சப்ஜெக்ட் படம் என்று யார் சொன்னது? என கேள்வி எழுப்பினார்.
மேலும் இந்த படத்தில் ஃபேமிலி சப்ஜெட்டும் இருக்கும், அதேநேரத்தில் என்டர்டைன்மென்ட், சண்டைக்காட்சிகள், பாடல்கள் என எல்லாம் இருக்கும் என்றும் மொத்தத்தில் இந்த படம் ஒரு முழுமையான அன்பை வெளிப்படுத்தும் படமாக இருக்கும் என்றும் அவர் தெரிவித்துள்ளார். இதனை அடுத்து விஜய் ரசிகர்களுக்கான ஆக்சன் காட்சிகள் இந்த படத்தில் இருக்கும் என்பது உறுதி செய்யப்பட்டுள்ளது.
விஜய் ஜோடியாக ராஷ்மிகா மந்தனா நடித்து வரும் இந்த திரைப்படத்தில் சரத்குமார், பிரகாஷ்ராஜ், யோகி பாபு, ஜெயசுதா, ஸ்ரீகாந்த், சங்கீதா, சம்யுக்தா உள்பட பலர் நடித்துள்ளனர். தமன் இசையில் வம்சி இயக்கத்தில் தில்ராஜூ தயாரிப்பில் உருவாகி வரும் இந்த படம் அடுத்த ஆண்டு பொங்கல் தினத்தில் தமிழ் தெலுங்கு மொழிகளில் வெளியாக உள்ளது என்பது குறிப்பிடத்தக்கது.