close
Choose your channels

கேன்ஸ் விழாவில் நடிகை சமந்தாவின் திரைப்படத்திற்கு விருதா? மெய்சிலிர்த்துப்போன ரசிகர்கள்!

Tuesday, May 30, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

உலக அளவில் மிக பிரம்மாண்டமான சர்வதேச திரைப்பட விருது விழாவான கேன்ஸ் திரைப்பட விழாவில் நடிகை சமந்தா நடிப்பில் வெளியான திரைப்படத்திற்கு பல பிரிவுகளில் விருது கிடைத்துள்ளதாகத் தகவல் வெளியாகி இருக்கிறது. இதையடுத்து ரசிகர்கள் பலரும் ஆச்சர்யத்தை வெளியிட்டு வருகின்றனர்.

சமீபத்தில் இயக்குநர் குணசேகர் இயக்கத்தில் நடிகை சமந்தா நடிப்பில் ‘சாகுந்தலம்‘ திரைப்படம் வெளியாகி ரசிகர்களிடையே வரவேற்பை பெற்றது. புராணக் கதையைத் தழுவி எடுக்கப்பட்ட இந்தத் திரைப்படத்தில் நடிகர் தேவ் மோகன், அல்லு அர்ஹா, சச்சின் கடேகர், கபீர் பேடி, மோகன் பாபு, பிரகாஷ் ராஜ், மதுபாலா, கௌதமி, அதிதி பாலன், அனன்யா என்று ஏராளாமான நட்சத்திரங்கள் நடித்திருந்தனர். மணி ஷர்மா இசையில் இத்திரைப்படம் தமிழ், தெலுங்கு, இந்தி, மலையாளம், கன்னடம் மற்றும் 3டி வடிவிலும் வெளியாகியது.

ஏப்ரல் 14 ஆம் தேதி வெளியாகிய இந்தத் திரைப்படம் வசூல் ரீதியாக வெற்றிப் பெறவில்லை என்றும் பட ஆக்கம் குறித்தும் இன்னும் சில குற்றச்சாட்டுகள் எழுப்பப்பட்டு வந்தன. இந்நிலையில் சிறந்த இந்தியத் திரைப்படம் வரிசையில் ‘சாகுந்தலம்’ திரைப்படத்திற்கு கேன்ஸ் விருது அறிவிக்கப்பட்டு இருக்கிறது. இதுகுறித்து நடிகை சமந்தா தன்னுடைய இன்ஸ்டாகிராம் ஸ்டோரி பக்கத்தில் தகவல் தெரிவித்து தனது மகிழ்ச்சியை பகிர்ந்து கொண்டுள்ளார்.

மேலும் ‘சாகுந்தலம்’ திரைப்படத்திற்காக காஸ்டியூம் டிசைன் செய்த நீதி லுல்லாவிற்கு ‘சிறந்த ஆடை வடிவமைப்பு‘ பிரிவில் கேன்ஸ் விருது அறிவிக்கப்பட்டு இருப்பதும் குறிப்பிடத்தக்கது. ஏற்கனவே சாகுந்தலம் திரைப்படம் குறித்து பல எதிர்மறை விமர்சனங்கள் வைக்கப்பட்டு வந்த நிலையில் தற்போது உலக அளவில் மதிப்புமிக்க விருதான கேன்ஸ் விருதில் ‘சிறந்த இந்தியத் திரைப்படம்’ மற்றும் ‘சிறந்த ஆடை வடிவமைப்பு‘ என்று இரு பிரிவுகளில் விருதுகள் அறிவிக்கப்பட்டு இருப்பது குறித்து ரசிகர்கள் பலரும் ஆச்சர்யத்தையும் உற்சாகத்தையும் வெளியிட்டு வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Login to post comment
Cancel
Comment
Related Videos