షారూక్ 'జీరో' వివాదం ముగిసిందా..
- IndiaGlitz, [Thursday,December 20 2018]
షారూక్, క‌త్రినా కైఫ్‌, అనుష్క శ‌ర్మ న‌టించిన చిత్రం 'జీరో'. ఆనంద్ ఎల్‌.రాయ్ తెర‌కెక్కించిన ఈ చిత్రంలో షారూక్ మ‌రుగుజ్జు పాత్ర‌లో న‌టించారు. ఈ శుక్ర‌వారం సినిమా విడుద‌ల‌వుతుంది. అయితే ట్రైల‌ర్ విడుద‌లైన‌ప్పుడు షారూక్ సిక్కుల కిర్ప‌న్‌ను ధ‌రించి ఉన్నాడ‌ని అమృత్‌పాల్ సింగ్ కోర్టును ఆశ్ర‌యించారు.
అది కిర్ప‌న్ కాద‌ని, పెళ్లి స‌మ‌యంలో షారూక్ పాత్ర చేసుకునే అలంక‌ర‌ణ మాత్ర‌మేన‌ని కోర్టుకు విన్న‌వించిన చిత్ర యూనిట్‌, ఎవ‌రి మ‌నోభావాలైన దెబ్బ తిని ఉంటే ఆ బాకును షో పీస్‌లా గ్రాఫిక్స్‌లో మార్చేస్తామ‌ని తెలిపారు. దీంతో వివాదం ముగిసిన‌ట్టేన‌ని అంద‌రూ భావిస్తున్నారు. రెడ్ చిల్లీస్ సంస్థ‌పై షారూక్ స్వ‌యంగా ఈ సినిమాను నిర్మించారు.