நடிகர் சித்தார்த் நடித்து வரும் படங்களில் ஒன்று ’டக்கர்’ என்பதும் இந்த படத்தின் படப்பிடிப்பு முடிவடைந்து தற்போது தொழில்நுட்ப பணிகள் விறுவிறுப்பாக நடைபெற்று வருகிறது என்பதும் குறிப்பிடத்தக்கது. மேலும் இந்த திரைப்படம் விரைவில் திரையரங்கில் வெளியாக இருக்கும் நிலையில் சற்றுமுன் இந்த படத்தில் இடம்பெற்ற ’மரகத மாலை’ என்று தொடங்கும் பாடல் வெளியானது.

நிவாஸ் கே பிரசன்னா கம்போஸ் செய்த இந்த பாடலை உமாதேவி எழுதியுள்ளார் என்பதும் பிரதீப் குமார், விஜய் ஜேசுதாஸ் மற்றும் சின்மயி ஆகியோர் இந்த பாடலை பாடியுள்ளனர் என்பது குறிப்பிடத்தக்கது. மனதை உருக்கும் வகையில் உள்ள இந்த மெலடி பாடலை முதல் முறை கேட்கும்போதே அசத்தலாக உள்ளதாக ரசிகர்கள் கருத்து தெரிவித்து வருகின்றனர்.

சித்தார்த் ஜோடியாக திவ்யன்ஷா நடித்துள்ள இந்த படத்தில் யோகி பாபு, அபிமன்யு சிங், முனீஷ்காந்த், ஆர்ஜே விக்னேஷ்காந்த் உள்ளிட்ட பலர் நடித்துள்ளனர். கார்த்திக் கிரிஷ் இயக்கத்தில் உருவாகி வரும் இந்த படத்தின் ரிலீஸ் தேதி விரைவில் அறிவிக்கப்பட உள்ளதாக கூறப்படுகிறது.

இந்த மெலடி பாடலின் முதல் சில வரிகள் இதோ:

மரகத மாலை நேரம் மமதைகள் மாய்ந்து வீழும்
மகரந்த சேர்க்கை காதல் தானா

இரவினில் தோற்ற தீயை பருகிட பார்க்கும் பார்வை
வழியது காதல் தீர்த்தம் தானா

வார்த்தைகள் தோற்குதே தீண்டலை தரும்
மொழி நீயா

தூரங்கள் கேட்குதே காதலின் வழித்துணை
நீ தானா..

எழுதிடவா இதழ் வழியாய் இடைவெளிதான் பெண்
உயிர் வலியா