புதிதாக திருமணமான நட்சத்திர ஜோடிக்கு வீடியோ காலில் வாழ்த்து கூறிய சிம்பு: வைரல் வீடியோ
- IndiaGlitz, [Monday,November 22 2021]
சின்னத்திரை நட்சத்திர ஜோடி சமீபத்தில் திருமணம் செய்துகொண்ட நிலையில் அவர்களுக்கு வீடியோகால் மூலம் நடிகர் சிம்பு வாழ்த்து கூறிய தகவல் தற்போது வெளிவந்துள்ளது. மேலும் இது குறித்த வீடியோ வைரலாகி வருகிறது என்பது குறிப்பிடத்தக்கது.
சின்னத்திரை நட்சத்திரங்களான மதன் மற்றும் ரேஷ்மா ஆகிய இருவரும் விஜய் டிவியில் ஒளிபரப்பான சீரியல் ஒன்றில் இணைந்து நடித்தனர். அப்போது ஏற்பட்ட நட்பு பின்னர் காதலாக மாறி அதன்பின்னர் இருதரப்பு பெற்றோர்களின் சம்மதத்துடன் சமீபத்தில் திருமணம் நடந்தது என்பது தெரிந்ததே.
இந்த திருமணத்திற்கு சின்னத்திரை உலக மற்றும் பெரிய திரையுலக நட்சத்திரங்கள் கலந்து கொண்டு வாழ்த்து தெரிவித்தனர் என்பது குறிப்பிடத்தக்கது. இந்த நிலையில் நடிகை ரேஷ்மா தற்போது தனது இன்ஸ்டாகிராம் பக்கத்தில் வீடியோகால் மூலம் சிம்பு வாழ்த்து கூறிய வீடியோ ஒன்றை பதிவு செய்துள்ளார். சிம்பு தங்களுக்கு வாழ்த்து கூறியது மிகவும் ஆச்சரியமாக இருந்தது என்றும், அதுவும் குறிப்பாக மதனுக்கு மிகப் பெரிய சந்தோசம் என்றும் அவர் குறிப்பிட்டுள்ளார். இந்த வீடியோ தற்போது வைரல் ஆகி வருகிறது.