உலக நாயகன் கமல்ஹாசன் தனி அரசியல் கட்சி ஆரம்பித்து களத்தில் குதித்துவிட்டார். சூப்பர் ஸ்டார் ரஜினியின் கட்சி குறித்த அறிவிப்பு எந்த நேரத்திலும் வெளிவர வாய்ப்பு இருப்பதாக கூறப்படுகிறது. இந்த நிலையில் கோலிவுட்டின் முன்னணி நடிகர்கள் இருவரில் யாருக்கு ஆதரவு தெரிவிப்பார்கள் என்ற கேள்விக்குறி எழுந்துள்ளது

இந்த நிலையில் சிம்பு சமீபத்தில் அளித்த பேட்டியில் கமல், ரஜினி ஆகியோர்களின் அரசியல் குறித்து விளக்கியுள்ளார். கமல், ரஜினி இருவருமே மக்களுக்கு நல்லது செய்ய வேண்டும் என்ற நோக்கத்தில் அரசியலுக்கு வந்துள்ளார்கள் என்றும், இருவரிடத்திலும் காவிரி பிரச்சனை குறித்து கருத்து சொல்லுமாறு கேட்பதே தவறு என்றும், அவர்கள் எந்த பதில் கூறினாலும் அவர்கள் தமிழர்களுக்கு எதிரானவர்கள் என்ற விமர்சனம் வரும் என்றும் சிம்பு கூறியுள்ளார்.

மேலும் தான் கமல் கட்சியிலோ அல்லது ரஜினி கட்சியிலோ இல்லை என்றும், இருவருமே காவிரி பிரச்சனை குறித்து எந்த கருத்து சொன்னாலும் அதில் அரசியல் சாயம் பூசப்படுவதாகவும் சிம்பு அந்த பேட்டியில் தெரிவித்துள்ளார்.