நடிகர் திலகம் சிவாஜி கணேசன் நடித்த ’கௌரவம்’ திரைப்படத்தில் இரண்டு வேடங்களில் அவர் நடித்த ஒரு காட்சியை ஒரே டேக்கில் பிரபல சூப்பர் ஸ்டார் நடிகர் நடித்து கைதட்டல் வாங்கியிருக்கும் வீடியோ இப்போது வைரலாகி வருகிறது.

கடந்த 1973-ஆம் ஆண்டு சிவாஜி கணேசன் இரண்டு வேடங்களில் நடித்த திரைப்படம் ’கௌரவம்’. இந்த படத்தில் ஒரு வழக்கில் இருவரும் நேருக்கு நேர் மோதும் நிலை வரும்போது இரண்டு சிவாஜி கணேசன் கேரக்டர்களும் பேசும் நீளமான வசனக்காட்சி இடம்பெற்று இருக்கும். இந்த காட்சியில் மலையாள சூப்பர் ஸ்டார் நடிகர் மம்முட்டி, தான் நடித்த ’நண்பகல் நேரத்து மயக்கம் என்ற திரைப்படத்தில் ஒரே டேக்கில் இரு வேடங்களில் நடித்த சிவாஜி கணேசனின் வசனத்தை மாறி மாறி பேசி அசத்தியுள்ளார்.

இந்த படத்தின் டீசரில் இடம்பெற்றுள்ள இந்த காட்சியின் வீடியோ தற்போது இணையதளங்களில் வைரலாகி வருகிறது. பிரபல மலையாள இயக்குனர் லியோ ஜோஸ் இயக்கத்தில் உருவாகிய இந்த படத்தில் மம்முட்டி, ரம்யா பாண்டியன் உள்பட பலர் நடித்துள்ளனர்.