சிவகார்த்திகேயன் வீட்டில் என்ன விசேஷம்? மனைவியுடன் இருக்கும் புகைப்படத்திற்கு குவியும் வாழ்த்துக்கள்!
- IndiaGlitz, [Sunday,August 28 2022]
சிவகார்த்திகேயன் வீட்டில் என்ன விசேஷம்? மனைவியுடன் இருக்கும் புகைப்படத்திற்கு குவியும் வாழ்த்துக்கள்!
நடிகர் சிவகார்த்திகேயன் தனது இன்ஸ்டாகிராம் பக்கத்தில் மனைவி ஆர்த்தியுடன் இருக்கும் புகைப்படத்தை பதிவு செய்துள்ள நிலையில் அந்த புகைப்படத்திற்கு ரசிகர்கள் தங்களது வாழ்த்துக்களை தெரிவித்து வருகின்றனர்.
தமிழ் திரையுலகின் முன்னணி நடிகர்களில் ஒருவர் சிவகார்த்திகேயன் என்பதும் அவரது நடிப்பில் சமீபத்தில் வெளியான ’டாக்டர்’ மற்றும் ’டான்’ ஆகிய இரண்டு திரைப்படங்களும் 100 கோடிக்கு மேல் வசூல் செய்தது என்பதும் குறிப்பிடத்தக்கது. இந்நிலையில் சிவகார்த்திகேயன் நடித்து வரும் ’அயலான்’ மற்றும் ‘பிரின்ஸ்’ ஆகிய படங்கள் அடுத்தடுத்து வெளியாக உள்ளது என்பதும் அவையும் 100 கோடி ரூபாய்க்கு மேல் வசூல் ஆக வாய்ப்பு இருக்கிறது.
இந்த நிலையில் சிவகார்த்திகேயன் சற்றுமுன் தனது இன்ஸ்டாகிராம் பக்கத்தில் மனைவியுடன் இருக்கும் புகைப்படத்தை பதிவு செய்துள்ள நிலையில் அந்த புகைப்படத்தை லைக்ஸ் செய்த ஏராளமான ரசிகர்கள் திருமண நாள் வாழ்த்துக்களை தெரிவித்து வருகின்றனர்.
நடிகர் சிவகார்த்திகேயன் கடந்த 2010ஆம் ஆண்டு ஆகஸ்டு 27-ஆம் தேதி ஆர்த்தியை திருமணம் செய்த நிலையில் தற்போது 12-வது திருமண நாளை அவர் கொண்டாடி வருகிறார். இதனை அடுத்து சிவகார்த்திகேயன் - ஆர்த்தி தம்பதிகளுக்கு ரசிகர்கள் வாழ்த்துக்களை குவித்து வருகின்றனர். சிவகார்த்திகேயன் - ஆர்த்தி தம்பதிக்கு கடந்த 2013ஆம் ஆண்டு ஆராதனா என்ற மகளும் 2021ஆம் ஆண்டு குகன் தாஸ் என்ற மகனும் பிறந்தனர் என்பதும் குறிப்பிடத்தக்கது.