'நீ கொஞ்சாமலே நெஞ்சுக்குள்ள பெயினு பெயினு: 'பிரின்ஸ்' சிங்கிள் பாடல் ரிலீஸ்!
- IndiaGlitz, [Friday,October 14 2022]
நடிகர் சிவகார்த்திகேயன் நடிப்பில் உருவான ‘பிரின்ஸ்’ திரைப்படம் வரும் தீபாவளி அன்று பிரமாண்டமாக உலகம் முழுவதும் திரையரங்குகளில் வெளியாக உள்ளது என்பதும் இந்த படம் ரிலீசுக்கு முன்பே மிகப்பெரிய வியாபாரம் செய்து விட்டது என்பதும் குறிப்பிடத்தக்கது.
ஏற்கனவே சிவகார்த்திகேயன் நடித்த ’டாக்டர்’ மற்றும் ’டான்’ ஆகிய இரண்டு திரைப்படங்களும் ரூ.100 கோடிக்கு மேல் வசூல் செய்துள்ள நிலையில் ‘பிரின்ஸ்’ திரைப்படமும் ரூ.100 கோடிக்கு மேல் வசூல் செய்யும் என்று எதிர்பார்க்கப்படுகிறது.
தமிழ், தெலுங்கு என இரண்டு மொழிகளில் ஒரே நேரத்தில் ரிலீசாக இருக்கும் இந்த திரைப்படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.
இந்த நிலையில் ‘பிரின்ஸ்’ படத்தின் மூன்றாவது சிங்கிள் பாடல் இன்று வெளியாகும் என ஏற்கனவே அறிவிக்கப்பட்ட நிலையில் சற்று முன் அந்த பாடல் வெளியாகி இணையத்தில் வைரலாகி வருகிறது.
பிரபல இசையமைப்பாளர் தமன் கம்போஸ் செய்த இந்த பாடலை எழுதி பாடியுள்ளார் பிரபல பாடகர் அறிவு என்பது குறிப்பிடத்தக்கது. முதல்முறை கேட்கும்போதே ஆட்டம் போட வைக்கும் அளவுக்கு இருக்கும் இந்த பாடல் தற்போது இணையதளங்களில் வைரலாக வருகிறது.
சிவகார்த்திகேயன் ஜோடியாக மரியா நடித்துள்ள இந்த படத்தில் சத்யராஜ் முக்கிய வேடத்தில் நடித்துள்ளார் என்பதும் இந்த படத்தை அனுதீப் இயக்கியுள்ளார் என்பதும் குறிப்பிடத்தக்கது.