அரவிந்தசாமி இடத்தை பிடித்தார் எஸ்.ஜே.சூர்யா
- IndiaGlitz, [Friday,September 08 2017]
இயக்குனர் எஸ்.ஜே.சூர்யா தற்போது முழுநேர நடிகராக மாறிவிட்டார். குறிப்பாக விரைவில் வெளியாகவுள்ள மகேஷ்பாபு-ஏ.ஆர்.முருகதாஸின் 'ஸ்பைடர், விஜய்-அட்லியின் 'மெர்சல்' ஆகிய படங்களில் வில்லனாக நடித்து வருகிறார். இந்த இரண்டு படங்களும் அவருடைய மார்க்கெட்டை உச்சத்திற்கு கொண்டு செல்லும் என்று எதிர்பார்க்கப்படுகிறது.
இந்த நிலையில் ஜெயம்ரவி, அரவிந்தசாமி நடித்த 'போகன்' திரைப்படம் தற்போது தெலுங்கில் ரீமேக் செய்யப்படவுள்ளது. இந்த படத்தில் ஜெயம் ரவி வேடத்தில் ரவிதேஜா நடிக்கவுள்ளார். அரவிந்தசாமி வேடத்தில் தெலுங்கிலும் அவரே நடிக்க வாய்ப்பு வந்தபோதும், அரவிந்தசாமி அதை மறுத்துவிட்டதாக கூறப்படுகிறது.
இந்த நிலையில் அரவிந்தசாமியின் கேரக்டரில் நடிக்க படக்குழுவினர் எஸ்.ஜே.சூர்யாவிடம் அணுகியபோது அவர் பாசிட்டிவ் பதிலை அளித்ததாகவும், விரைவில் அவர் இந்த படத்தில் நடிக்க ஒப்பந்தம் செய்யப்படுவார் என்றும் கூறப்படுகிறது.