சுந்தர் சி இயக்கத்தில் உருவாகும் ’கலகலப்பு 3’ திரைப்படத்தில் நடிகர் கவின் நடிப்பதாக சமூக வலைதளங்களில் வதந்தி ஒன்று பரவி வரும் நிலையில் இது குறித்து சுந்தர் சி தரப்பினர் விளக்கம் அளித்துள்ளனர்.

சுந்தர் சி இயக்கத்தில் உருவான ’கலகலப்பு’ திரைப்படம் கடந்த 2012 ஆம் ஆண்டும், இந்த படத்தின் இரண்டாம் பாகமான ’கலகலப்பு 2’ 2018 ஆம் ஆண்டு வெளியானது என்பதும் இரண்டு படங்களும் நல்ல வெற்றி பெற்றது என்பது தெரிந்தது.

இந்நிலையில் சுந்தர் சி இயக்கத்தில் உருவான ’அரண்மனை’ திரைப்படம் மூன்று பாகங்கள் வெளியாகி உள்ள நிலையில் ’கலகலப்பு’ படத்தின் மூன்றாம் பாகமும் விரைவில் உருவாக இருப்பதாக செய்திகள் பரவியது. இதற்கான பணிகளையும் இயக்குனர் சுந்தர் சி தொடங்கி விட்டதாகவும் கூறப்பட்டது.

இந்த நிலையில் ’கலகலப்பு’ திரைப்படத்தில் சிவா மற்றும் விமல், ’கலகலப்பு 2’ திரைப்படத்தில் ஜீவா மற்றும் ஜெய் ஹீரோவாக நடித்த நிலையில் ’கலகலப்பு 3’ திரைப்படத்தில் கவின் ஹீரோவாக நடிப்பதாக சமூக வலைதளங்களில் மிக வேகமாக ஒரு செய்தி இன்று காலை முதல் பரவி வருகிறது. இந்த நிலையில் இந்த செய்திக்கு சுந்தர் சி மறுப்பு தெரிவித்துள்ளார். ’கலகலப்பு 3’ படத்தில் கவின் நடிப்பதாக வெளியாகி இருக்கும் தகவல் முற்றிலும் வதந்தி என்று கூறியுள்ளார்.

There's a news speculating on Social Media stating that actor Kavin is all set to play the lead in Sundar C's next directorial. When I checked with the director, he denied saying that it's untrue.

Requesting you all to kindly consider only authentic or official information.… pic.twitter.com/Hxcl2szBkJ

— RIAZ K AHMED (@RIAZtheboss) February 20, 2024