சூப்பர் ஸ்டார் ரஜினிகாந்த் நடிப்பில் உருவாகி வரும் ’வேட்டையன்’ படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் தற்போது இந்த படத்தின் படப்பிடிப்பு இறுதி கட்டத்தை நெருங்கி விட்டதாக தகவல் வெளியாகியுள்ளது.

இந்த படத்தின் இறுதிக்கட்ட படப்பிடிப்பு நாளை தொடர உள்ளதாகவும் நாளை முதல் நடைபெறும் இந்த படப்பிடிப்பு இன்னும் சில வாரங்களில் முடிவுக்கு வரும் என்றும் கூறப்படுகிறது. காவல்துறை அதிகாரியாக ரஜினிகாந்த் நடித்து வரும் இந்த படத்தில் அமிதாப்பச்சன், பகத் பாசில், ரானா டகுபதி, ரித்திகா சிங், மஞ்சு வாரியர், துஷாரா விஜயன் ஆகியோர் நடித்து வரும் ’வேட்டையன்’ திரைப்படம் ஞானவேல் இயக்கத்தில், அனிருத் இசையில், லைகா நிறுவனத்தின் பிரமாண்டமான தயாரிப்பில் உருவாகி வருகிறது .

இந்த நிலையில் ’வேட்டையன்’ படத்தின் படப்பிடிப்பு முடிந்த ஒரு சில வாரங்களில் ’தலைவர் 171’ படத்தின் படப்பிடிப்பை தொடங்க லோகேஷ் கனகராஜ் திட்டமிட்டுள்ளதாக கூறப்படுகிறது. தற்போது ஸ்கிரிப்ட் எழுதுவதில் முழுவீச்சில் இருக்கும் அவர் இன்னும் ஒரு சில வாரங்களில் எழுதி முடித்து விடுவார் என்றும் அனேகமாக ’தலைவர் 171’ படத்தின் படப்பிடிப்பு ஏப்ரல் மாதம் தொடங்கலாம் என்றும் கூறப்படுகிறது.