கேபிரில்லாவை முதுகில் சுமந்த சுரேஷ்: நாளுக்கு நாள் அதிகமாகும் ஹீரோயிஸம்!
- IndiaGlitz, [Friday,October 16 2020]
பிக்பாஸ் நிகழ்ச்சியில் இன்றைய டாஸ்க்கில் 3 போட்டியாளர்களை அதிக நேரம் முதுகில் சுமந்து நிற்க வேண்டும் என்ற டாஸ்க் வைக்கப்படுகிறது. ரியோ, வேல்முருகன் மற்றும் கேப்ரில்லா ஆகிய மூவரை சுமக்க போவது யார் என்ற கேள்வி எழுந்த நிலையில் வேல்முருகனை ஆரியும், ரியோவை பாலாஜி முருகதாஸும் முதுகில் சுமக்க தேர்வாகினர்
இந்த நிலையில் கேப்ரில்லாவை முதுகில் சுமப்பது யார் என்ற கேள்வி எழுந்தபோது சுரேஷ் சற்றும் தாமதிக்காமல் எழுந்து கேப்ரில்லாவை முதுகில் சுமந்தார். ஒரு கட்டத்தில் வியர்த்து விறுவிறுத்து அவரால் சமாளிக்க முடியாமல் போனாலும் அவர் மனதை கட்டுப்படுத்தி கேப்ரில்லாவை முதுகில் சுமந்தார். ’வேண்டாம் நான் இறங்கி கொள்கிறேன்’ என்று கேப்ரில்லா கூறியதைப் பொருட்படுத்தாத சுரேஷ் ’இறங்க வேண்டாம்’ என மறுத்து தாக்குப்பிடித்து நின்றார். ஆனால் கேப்ரில்லா தாக்குப்பிடிக்க முடியாமல் கீழே இறங்கிவிட்டார்.
கடந்த 10 நாட்களாக தந்திரத்தாலும் திறமையான வாய் பேச்சிலும் அனைவரையும் வென்று கொண்டு இருந்த சுரேஷ் தற்போது உடலளவிலும் தனது பலத்தை காண்பிக்க ஆரம்பித்து விட்டதால் நாளுக்குநாள் அவரது ஹீரோயிசம் அதிகரித்து வருவதாக கமெண்ட்டுகள் பதிவாகி வருகிறது
#Day12 #Promo2 of #BiggBossTamil #பிக்பாஸ் - தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/QlmPUCHUC3
— Vijay Television (@vijaytelevision) October 16, 2020