త‌మ‌న్నా ఓటీటీ డీల్‌..!
- IndiaGlitz, [Wednesday,June 24 2020]
ప‌దిహేనేళ్లుగా తెలుగు ప్రేక్ష‌కుల‌ను త‌న అందం, అభిన‌యాల‌తో అల‌రిస్తోన్న హీరోయిన్ త‌మ‌న్నా. ఈ ముంబై ముద్దుగుమ్మ అచి తూచి సినిమాల‌ను ఎంపిక చేసుకుంటోంది. భారీగానే రెమ్యున‌రేష‌న్‌ను డిమాండ్ చేస్తుంది. న‌చ్చిన సినిమాల‌ను చేస్తున్న త‌మ‌న్నా నిన్న మొన్న ఇండ‌స్ట్రీలోకి వ‌చ్చిన హీరోయిన్స్‌కు కూడా గ‌ట్టిపోటీనే ఇస్తుంది. అయితే ఇప్పుడు సినిమా రూపు మార‌తుంది. వెండితెర నుండి డిజిట‌ల్ రంగం వైపుకు ప్రేక్ష‌కులు ఎక్కువ‌గా ఆక‌ర్షితుల‌వుతున్నారు. దీన్ని దృష్టిలో పెట్టుకుని అల్లు అర‌వింద్ తెలుగు ఓటీటీ యాప్ ఆహాను స్టార్ట్ చేసిన సంగ‌తి తెలిసిందే.
ఆహాను తెలుగు వారికి మరింత చేరువ చేయ‌డానికి అల్లు అర‌వింద్ చేయ‌ని ప్ర‌య‌త్నం అంటూ లేదు. టాలీవుడ్‌లోకి కొంత మంది పేరెన్న‌త‌గ్గ ద‌ర్శ‌కుల‌ను, కంటెంట్ రైటర్స్‌ను ఆహా కోసం కంటెంట్ జ‌న‌రేట్ చేయ‌మ‌ని కోరాడు. అలాగే న‌వదీప్‌, హెబ్బా ప‌టేల్ వంటి స్టార్స్‌ను వెబ్ సిరీస్‌ల్లో న‌టింప చేస్తున్నారు. ఇవి కాకుండా ఓ టాక్‌షోను అర‌వింద్ ప్లాన్ చేస్తున్నాడ‌ట. ఈ టాక్ షోకు త‌మ‌న్నా వ్యాఖ్యాత‌గా వ్య‌వ‌హరించే అవ‌కాశం ఉంద‌ని అంటున్నారు. త‌మ‌న్నాతో చ‌ర్చ‌లు కూడా పూర్త‌య్యాయ‌ని త్వ‌ర‌లోనే అధికారిక స‌మాచారం వెలువ‌నుంద‌ట.