தயவுசெய்து இதைமட்டும் யாரும் செய்யாதீங்க: தமன்னா வேண்டுகோள்
- IndiaGlitz, [Friday,May 22 2020]
தமிழ், தெலுங்கு திரையுலகின் முன்னணி நடிகைகளில் ஒருவரான தமன்னா, இந்த கொரோனா விடுமுறையில் அவ்வப்போது தனது சமூக வலைத்தளங்களில் புகைப்படங்கள் மற்றும் வீடியோக்களை வெளியிட்டு வருகிறார் என்பது தெரிந்ததே.
அந்த வகையில் தற்போது அவர் ஒரு வீடியோவை வெளியிட்டுள்ளார். அதில் அவர் தலைகீழாக நிற்கும் பயிற்சியை செய்கிறார். எந்தவிதமான பிடிப்பும் இன்றி அவரே தலையை கீழே வைத்து காலை மேலே தூக்கி உயர்த்துகிறார். அவரருகில் உதவிக்கு ஒரு பயிற்சியாளர் இருந்தாலும் அவரது உதவி பெரிதாக இல்லாமலே அவர் தலைகீழாக நிற்கின்றார். இருப்பினும் அவர் கடைசியில் கீழே விழுந்துவிடுவதுபோல் அந்த வீடியோ முடிகிறது.
இதுகுறித்து தமன்னா கூறியபோது, ‘வீழ்ச்சி மற்றும் தோல்வியினால் மனம் துவண்டுவிட வேண்டாம். உங்களுக்கு கிடைக்க வேண்டிய சரியானது, பல தோல்விகளுக்கு பின்னரே கிடைக்கும். பலமுறை முயற்சி செய்து, பலமுறை விழுந்த பின்னரே என்னாலும் தலைகீழாக நிற்க முடிந்தது. ஆனால் தயவு செய்து யாரும் இதனை பயிற்சியாளர் இல்லாமல் தனியாக செய்ய வேண்டாம்’ என்று தமன்னா கூறியுள்ளார்.
View this post on InstagramA post shared by Tamannaah Bhatia (@tamannaahspeaks) on May 21, 2020 at 7:53am PDT