'தளபதி 66' படத்தில் விஜய்க்கு ஜோடியாகும் வம்சியின் ராசியான நாயகி?
- IndiaGlitz, [Friday,March 25 2022]
இயக்குனர் வம்சி இயக்கத்தில் உருவான சூப்பர்ஹிட் திரைப்படத்தில் நடித்த நடிகை தான் தளபதி விஜய்யின் 66வது படத்திலும் நாயகியாக போகிறார் என்ற தகவல் திரையுலகில் பெரும் பரபரப்பை ஏற்படுத்தி உள்ளது .
தளபதி விஜய் நடிக்க இருக்கும் 66வது திரைப்படத்தை வம்சி இயக்க இருக்கிறார் என்பதும் இந்த படத்தின் ஆரம்பகட்ட பணிகள் தொடங்கி விட்டன என்பதும் தெரிந்ததே. இந்த படத்தில் ஏற்கனவே ராஷ்மிகா மந்தனா நாயகியாக நடிக்கவிருப்பதாக கிட்டத்தட்ட உறுதியான தகவல் வெளியான நிலையில் தற்போது திடீரென இந்த படத்தில் தமன்னா நடிக்க இருப்பதாக கூறப்படுகிறது.
வம்சி இயக்கத்தில் உருவான ’தோழா’ படத்தில் தமன்னா நடித்ததை அடுத்து இந்த படம் மிகப்பெரிய வெற்றி பெற்ற வெற்றி பெற்றது. இதனால் தனது ராசியான நடிகை தமன்னாவை ’தளபதி 66’ திரைப்படத்திலும் நடிக்க வைக்க இயக்குனர் வம்சி திட்டமிட்டுள்ளதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது. நடிகை தமன்னா ஏற்கனவே விஜய்யுடன் ‘சுறா’ படத்தில் நடித்தவர் என்பது அனைவரும் அறிந்ததே.
ஏற்கனவே ராஷ்மிகா மந்தனா, சமந்தா, நயன் தாரா ஆகியோர் ‘தளபதி 66’ நாயகி பட்டியலில் இருந்த நிலையில் இந்த படத்தின் நாயகி தமன்னாவா? அல்லது வேறு நடிகையா? என்பதை பொறுத்திருந்து பார்ப்போம்.