முதல்முறையாக ஏ.ஆர்.முருகதாஸ் உடன் இணையும் பிரபல ஹீரோ: மும்பை நிறுவனத்தின் கதையா?
- IndiaGlitz, [Thursday,July 28 2022]
இயக்குனர் ஏஆர் முருகதாஸ் இயக்கத்தில் முதல் முறையாக பிரபல ஹீரோ ஒருவர் நடிக்க இருப்பதாக தகவல் வெளிவந்துள்ளதால் போலிவுட்டு திரையுலகில் பரபரப்பை ஏற்படுத்தியுள்ளது.
அஜித் நடித்த ‘தீனா’ என்ற படத்தின் மூலம் இயக்குனராக அறிமுகமானவர் ஏ.ஆர்.முருகதாஸ். அதன்பின்னர் விஜய் நடித்த ‘துப்பாக்கி’, ‘கத்தி’, சூர்யா நடித்த ‘ஏழாம் அறிவு’ ‘கஜினி’ உள்பட பல பிரபலங்களின் படத்தை இயக்கினார் என்பதும், தமிழ் திரையுலகின் முன்னணி இயக்குனர்களில் ஒருவராக உள்ளார் என்பதும் குறிப்பிடத்தக்கது.
இந்நிலையில் ஏ.ஆர்.முருகதாஸ் இயக்க இருக்கும் அடுத்த திரைப்படத்தில் நடிகர் சிம்பு நடிக்க உள்ளதாகவும் இது குறித்த பேச்சுவார்த்தை முடிந்து விட்டதாகவும் கூறப்படுகிறது. எனவே முதல் முறையாக ஏஆர் முருகதாஸ் இயக்கத்தில் சிம்பு நடிக்கும் படத்தின் அறிவிப்பு விரைவில் வெளியாகும் என்று எதிர்பார்க்கப்படுகிறது.
மேலும் இந்த படத்தின் கதை ஒரு மும்பை நிறுவனத்தின் கதை என்றும் சிம்பு இந்த படத்தில் தொழிலதிபராக நடிக்க இருப்பதாக கூறப்படுகிறது. இந்த தகவல் சிம்பு ரசிகர்களுக்கு பெரும் ஆச்சரியத்தை அளித்துள்ளது என்பது குறிப்பிடத்தக்கது.