தனுஷ்-தேனாண்டாள் பிலிம்ஸ் படம் குறித்த முக்கிய தகவல்
- IndiaGlitz, [Saturday,November 18 2017]
தளபதி விஜய் நடித்த 'மெர்சல்' படத்தை அடுத்து ஸ்ரீதேனாண்டாள் நிறுவனம், தனுஷ் நடிக்கும் படத்தை தயாரிக்கவுள்ளதாக வெளிவந்த செய்தியை ஏற்கனவே பார்த்தோம். இந்த நிலையில் இந்த படம் குறித்த முக்கிய தகவல் தற்போது வெளிவந்துள்ளது.
கடந்த சில மாதங்களுக்கு முன்னர் தனுஷ் தனது டுவிட்டரில் தனது அடுத்த படத்தை பிரபல இயக்குனர் கார்த்திக் சுப்புராஜ் இயக்கவுள்ளதாக அறிவித்தார். இந்த படத்தை தான் தற்போது ஸ்ரீதேனாண்டாள் நிறுவனம் தயாரிக்கவுள்ளதாக கூறப்படுகிறது.
பெரிய பட்ஜெட்டில் உருவாகவுள்ள இந்த ஆக்சன் த்ரில் படத்தில் ஒரு பிரபல நடிகர் வில்லனாக நடிக்கவுள்ளதாகவும், இந்த படத்தில் நடிக்கும் மற்ற நட்சத்திரங்கள் தேர்வு நடைபெற்று வருவதாகவும் இதுகுறித்த அதிகாரபூர்வ தகவல் விரைவில் வெளியாகும் என்றும் தெரிகிறது.