இதுவரை 'தெறி'யின் சென்னை வசூல் நிலவரம்
- IndiaGlitz, [Monday,April 25 2016]
இளையதளபதி விஜய் நடிப்பில் அட்லி இயக்கிய 'தெறி' திரைப்படம் தமிழகம் உள்பட உலகம் முழுவதும் சாதனை வசூலை பெற்று வருகிறது என்று அவ்வப்போது வெளிவந்த செய்திகளை பார்த்தோம். இந்நிலையில் தலைநகர் சென்னையில் 'தெறி' திரைப்படத்தின் வசூல் குறித்த தகவல்கள் தற்போது வெளிவந்துள்ளது.
'தெறி' திரைப்படம் ரிலீஸ் ஆகி கிட்டத்தட்ட இரண்டு வாரங்கள் நிறைவடையவுள்ளது. இந்நிலையில் வார இறுதி நாட்களான ஏப்ரல் 22 முதல் 24 வரையிலான மூன்று நாட்களில் தெறி' திரைப்படம் சென்னையில் 20 திரையரங்குகளில் 486 காட்சிகள் திரையிடப்பட்டு ரூ.1,85,32,820 வசூல் செய்துள்ளது. அனைத்து திரையரங்குகளில் 90% கூட்டம் நிரம்பியது என்பது குறிப்பிடத்தகக்து.
மேலும் 'தெறி' ரிலீஸ் ஆன ஏப்ரல் 14 முதல் நேற்று வரையிலான காலகட்டத்தில் சென்னையில் மட்டும் ரூ.7,89,54,020 வசூல் செய்துள்ளது. விரைவில் இந்த படம் சென்னையில் மட்டும் ரூ.10 கோடி வசூல் செய்யும் என எதிர்பார்க்கப்படுகிறது. இந்த சாதனை இளையதளபதியின் திரையுலக வசூல் வரலாற்றில் ஒரு முக்கிய அம்சம் என்பது குறிப்பிடத்தக்கது.