విష్ణుతో ముచ్చటగా మూడోసారి....
- IndiaGlitz, [Monday,August 22 2016]
మంచు విష్ణు కామెడి ఎంటర్ టైన‌ర్స్ నే చేయాల‌నుకుంటున్నాడట. అందుక‌నే త‌ను వింటున్న క‌థ‌ల్లో కామెడి ఉండాల‌ని చెబుతున్నాడ‌ని స‌మాచారం. ఈడోర‌కం ఆడోర‌కం త‌ర్వాత మ‌రే విష్ణు గీతాంజ‌లి, త్రిపుర చిత్రాల ఫేమ్ రాజ్‌కిర‌ణ్ దర్శకత్వంలో ఓ కామెడి ఎంటర్ టైన‌ర్‌లో న‌టించ‌నున్నాడు.
ఈ చిత్రానికి ల‌క్కున్నోడు అనే టైటిల్‌ను ఫిక్స్ చేశారు. ఎం.వి.వి.సినిమా బ్యాన‌ర్‌పై ఎం.వి.వి.స‌త్య‌నారాయ‌ణ ఈ చిత్రాన్ని నిర్మిస్తున్నారు. ప్ర‌స్తుతం సినిమా ప్రీ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటుంది. అందులో భాగంగా ఇప్పుడు ఈ చిత్రంలో మంచు విష్ణు స‌ర‌స‌న బ‌బ్లీ బ్యూటీ హ‌న్సిక హీరోయిన్‌గా న‌టించ‌నుంది. పాండవులు పాండవులు తుమ్మెద, దేనికైనా రెడీ సినిమాలు త‌ర్వాత మూడోసారి హ‌న్సిక విష్ణుతో జ‌తక‌డుతుంద‌ని విశ్వ‌స‌నీయ వ‌ర్గాల స‌మాచారం.