close
Choose your channels

வைரலான பாடகருக்கு டி.இமான் காட்டிய 'விஸ்வாசம்'

Wednesday, October 23, 2019 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சமீபத்தில் மாற்றுத்திறனாளி ஒருவர் இணையதளத்தில் ‘விஸ்வாசம்’படத்தில் இடம்பெற்ற ’கண்ணான கண்ணே’ என்ற பாடலை மிக அற்புதமாக பாடினார் என்பது தெரிந்ததே. இந்த பாடல் சமூக வலைதளங்களில் வைரல் ஆன நிலையில் இந்த பாடலை தற்செயலாகப் பார்த்த இசையமைப்பாளர் டி.இமான் அவர்கள் தனது சமூக வலைத்தளத்தில் அந்த பாடலை பாடிய திருமூர்த்தி என்ற மாற்றுத்திறனாளிக்கு தனது பாராட்டுகளையும் வாழ்த்துகளையும் தெரிவித்து இருந்தார்.

அதுமட்டுமின்றி சமயம் கிடைக்கும் போது தனது படத்தில் அவருக்கு பாட வாய்ப்பு தருவதாகவும் அவர் தெரிவித்திருந்தார். இந்த நிலையில் தற்போது, தான் கொடுத்த வாக்கினை டி.இமான் நிறைவேற்றியுள்ளார். ஜீவா நடிப்பில் ரத்தின சிவா இயக்கத்தில் உருவாகி வரும் ’சிறு’ என்ற படத்தில் இடம்பெற்ற ஒரு பாடலை பாட திருமூர்த்தி அவர்களுக்கு வாய்ப்பு கொடுத்துள்ளார்.

பாடலாசிரியர் பார்வதி எழுதிய இந்த மெலடி பாடலை திருமூர்த்தி பாடி உள்ளதாகவும் இந்த பாடல் மிக அருமை வந்திருப்பதாகவும் டி.இமான் கூறியுள்ளார். இந்தப் பாடல் ஹிட் ஆகும் பட்சத்தில் திருமூர்த்தி அவர்களுக்கு கோலிவுட் திரையுலகில் அதிக வாய்ப்புகள் கிடைக்கும் என எதிர்பார்க்கப்படுகிறது.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Login to post comment
Cancel
Comment
Related Videos