close
Choose your channels

திமுக பெண் எம்.எல்.ஏவுக்கு கொரோனா தொற்று: மகள், மருமகனுக்கும் பாதிப்பு என தகவல்

Thursday, July 23, 2020 • தமிழ் Comments

தமிழகத்தில் கடந்த சில நாட்களாக திமுக, அதிமுக எம்.எல்.ஏக்கள் மற்றும் ஒருசில அமைச்சர்கள் கொரோனாவால் பாதிக்கப்பட்டு சிகிச்சை பெற்று வருகின்றனர் என்பதை அவ்வப்போது பார்த்து வருகிறோம். நேற்று ராஜபாளையம் எம்.எல்.ஏ தங்கபாண்டியன் அவர்களுக்கும் இன்று காலை பேராவூரணி அதிமுக எம்எல்ஏ கோவிந்தராஜூக்கு கொரோனா பாதிப்பு ஏற்பட்டது என்பது தெரிந்ததே. இதனையடுத்து இன்று காலை வரை கொரோனாவால் பாதிக்கப்பட்ட எம்.எல்.ஏக்களின் எண்ணிக்கை 18ஆக இருந்தது.

ஆனால் தற்போது கொரோனாவால் பாதிக்கப்பட்ட எம்.எல்.ஏக்களின் எண்ணிக்கை 19ஆக உயர்ந்துள்ளது. தூத்துகுடி திமுக எம்எல்ஏ கீதா ஜீவன் அவர்களுக்கு கொரோனா என்பது சற்றுமுன் உறுதி செய்யப்பட்டுள்ளது. மேலும் அவரது மகளும், மருமகனும் கொரோனாவால் பாதிக்கப்பட்டுள்ளதாகவும், இதனையடுத்து மூவரும் வீட்டிலேயே தனிமைப்படுத்தப்பட்டு சிகிச்சை பெற்று வருவதாகவும் தகவல்கள் வெளிவந்துள்ளது

ஏற்கனவே தமிழகத்தில் இன்று கொரோனாவால் பாதிக்கப்பட்டவர்களின் எண்ணிக்கை 6000ஐ தாண்டியுள்ள நிலையில் கொரோனாவால் பாதிக்கப்பட்ட எம்.எல்.ஏக்களின் எண்ணிக்கையும் அதிகரித்து வருவதால் பெரும் பரபரப்பு ஏற்பட்டுள்ளது
 

Get Breaking News Alerts From IndiaGlitz