உதயநிதி ஸ்டாலின் நடிப்பில் மகிழ்திருமேனி இயக்கத்தில் உருவான ‘கலகத்தலைவன்’ திரைப்படம் நேற்று வெளியாகி பாசிட்டிவ் விமர்சனங்கள் பெற்றது என்பதும், கிட்டத்தட்ட அனைத்து ஊடகங்களும் விமர்சகர்களும் இந்த படத்திற்கு நல்ல விமர்சனத்தை கொடுத்ததை அடுத்து நேற்று மாலை மற்றும் இரவு காட்சிகள் திரையரங்குகளில் ஹவுஸ்ஃபுல் ஆனது என்றும் தகவல் வெளியாகி உள்ளன.

இந்த நிலையில் நேற்றைய முதல் நாளில் இந்த படம் 2 முதல் 3 கோடி ரூபாய் வசூல் செய்துள்ளதாகவும் வார இறுதி நாட்களான இன்றும் நாளையும் இந்த வசூல் இன்னும் அதிகரிக்கும் என்றும் கூறப்படுகிறது.

பாசிடிவ் விமர்சனம் காரணமாக குடும்ப ஆடியன்ஸ்கள் இந்த படத்தை பார்க்க ஆர்வம் காட்டி வருவதாகவும், எனவே இந்த படம் விமர்சனரீதியில் மட்டுமின்றி வசூல் அளவில் நிச்சயம் வெற்றி படம் தான் என்றும் திரையுலக வட்டாரங்கள் கூறுகின்றன .

உதயநிதி ஸ்டாலின் நடிப்பு, மகிழ் திருமேனியின் கச்சிதமான திரைக்கதை ஆகியவை படத்தின் பாசிட்டிவ்வாக உள்ளன என்றும் குறிப்பாக பிக்பாஸ் ஆரவ்வின் வில்லத்தன நடிப்பு மிகவும் அபாரம் என்றும் விமர்சகர்கள் தெரிவித்துள்ளனர். இதனால் இந்த படம் விமர்சன அளவிலும் வசூல் அளவிலும் வெற்றிப்படம் என்பது உறுதி செய்யப்பட்டுள்ளதாகவும் கூறப்படுகிறது.