'வாரிசு', 'துணிவு' பொங்கலுக்கு முதலில் எந்த படம் பார்ப்பீங்க? -வடிவேலு பதில்!
- IndiaGlitz, [Saturday,December 24 2022]
விஜய் நடித்த ’வாரிசு’ மற்றும் அஜித் நடித்த ’துணிவு’ ஆகிய இரண்டு திரைப்படங்களும் பொங்கல் நாளில் வெளியாக இருப்பதை அடுத்து இந்த இரண்டு படங்களையும் பார்க்க விஜய், அஜித் ரசிகர்கள் மிகவும் ஆர்வத்துடன் உள்ளனர்.
ஆனால் நடுநிலை ரசிகர்கள் எந்த படத்தை முதலில் பார்ப்பது என்ற குழப்பத்தில் இருந்து வரும் நிலையில் இந்த இரண்டு படங்களில் எந்த படத்தை முதலில் பார்ப்பது என்ற கேள்வியை பெரும்பாலும் திரையுலக பிரபலங்கள் பத்திரிகையாளர்களிடம் இருந்து தவிர்த்து வருகின்றனர்.
இந்த நிலையில் திருச்செந்தூர் முருகன் கோயிலில் சுவாமி தரிசனம் செய்த வைகைப்புயல் வடிவேலு செய்தியாளர்களுக்கு பேட்டியளித்தார். அப்போது செய்தியாளர்கள் அவரிடம் ’வாரிசு’ ’துணிவு’ இரண்டில் எந்த படத்தை முதலில் பார்ப்பீர்கள் என்று கேட்டதற்கு ’எனக்கு அது பற்றி தெரியவில்லையே! ஆனால் இரண்டு படமும் நன்றாக ஓட வேண்டும், இரண்டு படமும் நன்றாக இருக்கும் என்று நினைக்கிறேன்’ என்று கூறினார்.
மேலும் ’சினிமா நன்றாக இருந்தால்தான் எல்லோரும் நன்றாக இருக்க முடியும் என்றும் கூறிய அவர், என்னுடைய முந்தைய காமெடி நடிகர்களின் கூட்டணியுடன் இணைந்து நடிக்க தயார்’ என்றும் தெரிவித்தார்.
தற்போது ‘மாமன்னன்’ ’சந்திரமுகி’ ஆகிய படங்களில் நடித்து வருகிறேன் என்று சமீபத்தில் வெளியான ‘நாய் சேகர் ரிட்டர்ன்ஸ்’ என்ற திரைப்படம் வெற்றிகரமாக திரையரங்கில் ஓடிக் கொண்டிருப்பதாகவும் பலரும் அந்த படத்தை பார்த்துவிட்டு தனக்கு போன் செய்து வாழ்த்து தெரிவித்து வருவதாகவும் அவர் கூறினார்.
#Watch | 'வாரிசா'.. 'துணிவா'.. பொங்கலுக்கு முதலில் எந்த படம் பார்ப்பீங்க? - வடிவேலு சொன்ன பதில்..!
திருச்செந்தூர் சுப்பிரமணிய சுவாமி கோயிலில் நடிகர் வடிவேலு சாமி தரிசனம் செய்தார்!#SunNews | #Vadivelu | #tiruchendur pic.twitter.com/wBdQFbWBs2
— Sun News (@sunnewstamil) December 24, 2022