நடிகை வனிதா விஜயகுமார் மற்றும் நடன இயக்குனர் ராபர்ட் ஆகிய இருவரும் சேர்ந்து சில ஆண்டுகள் வாழ்ந்ததாக கூறப்பட்ட நிலையில் தற்போது மீண்டும் ஒரு திரைப்படத்திற்காக இணைந்துள்ளனர்.

நடிகை வனிதா விஜயகுமார் மற்றும் நடன இயக்குனர் ராபர்ட் ஆகிய இருவரும் கடந்த 2013 ஆம் ஆண்டு முதல் சேர்ந்து வாழ்ந்ததாகவும், இருவரும் சேர்ந்து ’எம்ஜிஆர் சிவாஜி ரஜினி கமல்’ என்ற படத்தை தயாரித்ததாகவும் செய்திகள் வெளியானது. ஆனால் 2017 ஆம் ஆண்டு இருவரும் கருத்து வேறுபாடு காரணமாக பிரிந்து விட்டதாகவும் கூறப்பட்டது.

இந்த நிலையில் இருவரும் தனித்தனியாக பிக் பாஸ் நிகழ்ச்சியில் கலந்து கொண்ட நிலையில் தற்போது ஒரு திரைப்படத்தில் இருவரும் இணைந்துள்ளதாக தெரிகிறது. ’மிஸ்டர் அண்ட் மிஸஸ்’ என்ற டைட்டிலில் உருவாகும் இந்த படத்தில் வனிதா மற்றும் ராபர்ட் ஜோடியாக நடிக்கின்றானர். வனிதாவின் அப்பா அம்மாவாக ஸ்ரீகாந்த் மற்றும் ஷகிலாவும், மேலும் முக்கிய கேரக்டரில் பிரேம்ஜி, சுனில் உள்ளிட்டோர் நடிக்கின்றனர்.

இந்த படத்தில் வனிதாவின் மகள் ஜோவிகா தயாரிப்பு துறையில் ஒரு முக்கிய பணியில் இருப்பதாகவும் கூறப்படுகிறது. இந்த படத்தை ஆஸ்திரேலியாவை சேர்ந்த ஒரு தொழில் அதிபர் தயாரிப்பதாகவும் அவர் மனிதாவின் நெருங்கிய நண்பர் என்றும் கூறப்படுகிறது.