வரலட்சுமி சரத்குமார் கடத்தப்பட்டாரா? புகைப்பட வைரலால் பரபரப்பு
- IndiaGlitz, [Tuesday,April 18 2017]
கோலிவுட் திரையுலகில் தைரியமான நடிகைகளில் ஒருவர் வரலட்சுமி சரத்குமார். சமீபத்தில் நடிகை பாவனா கடத்தல் சம்பவத்திற்கு கடும் எதிர்ப்பு தெரிவித்ததோடு, தனக்கு ஏற்பட்ட ஒரு பாலியல் தொல்லை குறித்த சம்பவத்தையும் வெளியே கொண்டு வந்தார். மேலும் 'சேவ் சக்தி' என்ற அமைப்பின் மூலம் திரையுலகில் உள்ள அனைத்து பெண்களின் பாதுகாப்புக்கும் வழிவகை செய்து வருகிறார்.
இந்த நிலையில் இன்று காலை முதல் சமூக வலைத்தளங்களில் வரலட்சுமி கடத்தப்பட்டதாக ஒரு செய்தியும், அவர் கட்டிலில் மேல் கயிறு கொண்டு கட்டப்பட்டிருக்கும் ஒரு புகைப்படமும் வைரலாக பரவி வருகிறது. இந்த புகைப்படம் குறித்து வரலட்சுமி தரப்பில் இருந்து இன்னும் எந்த விளக்கமும் வரவில்லை.
இந்த நிலையில் இந்த ஸ்டில் வரலட்சுமி நடித்து வரும் 'விக்ரம் வேதா' படத்தின் புரமோஷனாக கூட இருக்கலாம் என்றும் கூறப்படுகிறது. மேலும் சமூக வலைத்தளத்தில் #VaralaxmiGotKidnapped என்ற ஹேஷ்டாக் டிரெண்ட் ஆகி வருவதால் இதுகுறித்து சம்பந்தப்பட்டவர்கள் விளக்கம் அளிக்க வேண்டும் என்று பலர் வேண்டுகோள் விடுத்துள்ளனர்.