வேல்ஸ் பிலிம்ஸ் நிறுவனம் தயாரிக்கும் திரைப்படத்தின் முழு வீடியோ பாடல் ஒன்று, படம் வெளியாகும் முன்பே இணையத்தில் வெளியிடப்பட்டுள்ள நிலையில் அந்த பாடலின் வீடியோ தற்போது வைரல் ஆகி வருகிறது.

வேல்ஸ் பிலிம்ஸ் இன்டர்நேஷனல் நிறுவனத்தின் தயாரிப்பில் ஹிப் ஹாப் தமிழா ஆதி நடிப்பில் உருவாகி வரும் திரைப்படம் ’பிடி சார்’. இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் இந்த படத்தை ’நெஞ்சம் உண்டு நேர்மை உண்டு ஓடு ராஜா’ படத்தை இயக்கிய கார்த்திக் வேணுகோபால் இயக்கி உள்ளார் என்பது குறிப்பிடத்தக்கது.

கடந்த ஆண்டு இந்த படத்தின் பர்ஸ்ட் லுக் போஸ்டர் வெளியான நிலையில் தற்போது இந்த படத்தின் முழு வீடியோ பாடல் வெளியாகி உள்ள நிலையில் இந்த பாடல் ரசிகர்களின் வரவேற்பை பெற்று வருகிறது. ஹிப் ஹாப் தமிழா ஆதி இசையில் அவரே எழுதி பாடிய இந்த பாடலை அனைவரும் ரசித்து வருகின்றனர்.

ஹிப் ஹாப் தமிழா ஆதி ஜோடியாக காஷ்மீரா நடித்து வரும் இந்த படத்திற்கு மாதேஷ் மாணிக்கம் ஒளிப்பதிவும் பிரசன்னா படத்தொகுப்பு பணியையும் செய்து வருகின்றனர் என்பது குறிப்பிடத்தக்கது. இந்த படத்தின் படப்பிடிப்பு முடிந்து விட்டதாகவும் விரைவில் திரையரங்குகளில் இந்த படம் வெளியாகும் என்றும் கூறப்பட்டுள்ளது.