close
Choose your channels

வேலுபிரபாகரனுக்கு ரஜினி உதவியது உண்மையா? இதோ ஒரு விளக்கம்

Saturday, January 25, 2020 • தமிழ் Comments

சூப்பர் ஸ்டார் ரஜினிகாந்த் அவர்கள் சமீபத்தில் பெரியார் குறித்து சர்ச்சைக்குரிய வகையில் பேசியதாக அனைத்து அரசியல் தலைவர்களும் குற்றம்சாட்டிய நிலையில் இதுகுறித்து நடிகரும், நடன இயக்குனரும் இயக்குனருமான ராகவா லாரன்ஸ் சமீபத்தில் ஒரு அறிக்கை வெளியிட்டு இருந்தார்.

அந்த அறிக்கையில் ’பெரியார் மீது ரஜினிகாந்த் மிகுந்த மரியாதை வைத்திருப்பவர் என்றும் அவர் பெரியாரை அவமதிக்க வாய்ப்பே இல்லை என்றும் கூறினார் என்றும் பெரியாரின் கருத்துக்களைக் கொண்டு வேலு பிரபாகரன் இயக்கிய திரைப் படத்தை ரிலீஸ் செய்ய ரஜினிகாந்த் தான் மிகப் பெரிய தொகை கொடுத்து உதவியதாகவும் அவர் குறிப்பிட்டிருந்தார்.

இந்த நிலையில் இது குறித்து விளக்கமளித்த வேலு பிரபாகரன் அவர்கள் ’தான் பெரியாரின் கொள்கைகளை தன்னுடைய படத்தில் கூறி வருவதாகவும் ஆனால் தனக்கு பெரியாரின் கொள்கைகளை கடைபிடிப்பவர்களே உதவி செய்யவில்லை என்றும் கூறினார்.

தான் இயக்கிய படம் ஒன்று ரிலீஸ் செய்ய முடியாமல் இருந்த போது ரஜினிகாந்த் தன்னை அழைத்து ரூபாய் 5 லட்சம் கொடுத்து உதவியதாகவும் பெரியார் ஆதரவாளர்களே தனக்கு உதவாத போது ஆன்மீக கொள்கை கொண்ட ரஜினிகாந்த் உதவியது தனக்கு ஆச்சரியத்தை அளிப்பதாகவும் கூறியுள்ளார் இதிலிருந்து ராகவாலாரன்ஸ் வெளியிட்ட அறிக்கையில் கூறியிருப்பது உண்மை என்பது புரிய வருகிறது.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz