வேந்தர் மூவீஸின் 'கெட்ட சிவா மொட்ட சிவா' படபூஜை
- IndiaGlitz, [Monday,August 03 2015]
வேந்தர் மூவீஸ் தயாரிப்பில் விரைவில் வெளியாகவுள்ள 'பாயும் புலி' படத்தின் பாடல்கள் நேற்று வெளியாகி சூப்பர் ஹிட் ஆகி வரும் நிலையில், இன்று அந்த நிறுவனம் தயாரிக்கும் 'கெட்ட சிவா மொட்ட சிவா' படத்தின் பூஜை சென்னையில் நடைபெற்றது. இந்த பூஜை விழாவில் லாரன்ஸ், டி.சிவா உள்பட பலர் கலந்து கொண்டனர்.
இவ்வருடத்தின் சூப்பர் ஹிட் படங்களில் ஒன்றான 'காஞ்சனா 2' படத்தை இயக்கி நடித்த லாரன்ஸ், இந்த படத்திலும் ஹீரோவாக நடித்து இயக்கவுள்ளார். இந்த படத்தில் ராகவா லாரன்ஸ் போலீஸ் வேடத்தில் நடிக்கவுள்ளார். தெலுங்கில் சூப்பர் ஹிட் ஆகிய 'பட்டாஸ்' படத்தின் ரீமேக்தான், இந்த கெட்ட சிவா மொட்ட சிவா' என்று கூறப்பட்டு வந்தபோதிலும், இதை படக்குழுவினர் உறுதிப்படுத்தவில்லை.
இந்த படத்தின் படப்பிடிப்பு விரைவில் தொடங்கும் என்றும், ராகவா லாரன்ஸ் ஜோடியாக நடிக்ககூடிய நடிகை உள்பட மற்ற நட்சத்திரங்கள் மற்றும் தொழில்நுட்ப கலைஞர்களின் தேர்வு நடந்து வருவதாகவும் கூறப்படுகிறது.