வெங்கட்பிரபுவையே ஆச்சரியப்படுத்திய 'மங்காத்தா 2' படத்தின் அப்டேட்!
- IndiaGlitz, [Saturday,September 05 2020]
தல அஜித் நடிப்பில் இயக்குனர் வெங்கட்பிரபு இயக்கிய ’மங்காத்தா’ என்ற சூப்பர் ஹிட் படத்தின் அடுத்த பாகம் விரைவில் உருவாக வேண்டும் என அவரது ரசிகர்கள் கடந்த பல ஆண்டுகளாக கோரிக்கை விடுத்து வருகின்றனர். ’மங்காத்தா 2’ படத்திற்கான கதை தயாராக இருக்கிறது என்றும் அஜித் எப்போது ஓகே சொன்னாலும் அந்த படத்தை தான் இயக்க தயார் என்றும் வெங்கட்பிரபு பல பேட்டிகளில் கூறியுள்ளார். அதுமட்டுமின்றி மங்காத்தா படத்தில் அஜீத் மற்றும் விஜய் ஆகிய இருவரையும் இணைத்து உருவாக்க வேண்டும் என்பதே தனது ஆசை என்றும் அவர் குறிப்பிட்டிருந்தார்.
இந்த நிலையில் தனியார் தொலைக்காட்சி செய்தி ஒன்றில் விரைவில் ’மங்காத்தா 2’ படத்தின் படப்பிடிப்பு தொடங்க இருப்பதாக செய்திகள் வெளியாகியுள்ளது. இதுகுறித்து அஜித்தின் ரசிகர் ஒருவர் வெங்கட்பிரபு அவர்களிடன் ‘இது உண்மையா’ என கேட்டபோது வெங்கட் பிரபுவே ஆச்சர்யத்தில் மூழ்கினார். எனக்கே தெரியாமல் எப்படி ‘மங்காத்தா 2’ என அவர் கேட்டுள்ளது பெரும் காமெடியாக உள்ளது.
இந்த நிலையில் சூப்பர் ஸ்டார் ரஜினிகாந்த் நடித்த ’அடுத்த வாரிசு’ படத்தில் இடம்பெற்ற ‘ஆசை நூறு வகை’ என்ற பாடலுக்கு ’மங்காத்தா’ படத்தின் காட்சிகளை எடிட் செய்து வீடியோ ஒன்று வெளியாகி வைரலாகி வருகிறது. இந்த வீடியோவுக்கு வெங்கட்பிரபுவின் சகோதரர் பிரேம்ஜி பாராட்டு தெரிவித்துள்ளார் என்பது குறிப்பிடத்தக்கது.
Wow this is a super edit #Mankatha #WeWantMankatha2 @vp_offl @dhayaalagiri @thisisysr pic.twitter.com/DlH15OYQ2P
— PREMGI (@Premgiamaren) September 4, 2020