பாலிவுட்டின் பழம்பெரும் நடிகர் காலமானார்.
- IndiaGlitz, [Monday,June 10 2019]
கமல்ஹாசன் நடித்த 'ஹேராம்', சூர்யா நடித்த '24', ஷங்கர் இயக்கிய 'காதலன்', நாகார்ஜூனா நடித்த 'ரட்சகன்' உள்பட பல தமிழ் திரைப்படங்களிலும் பாலிவுட்டின் பழம்பெரும் குணசித்திர நடிகருமான கிரிஷ் கர்னாட் இன்று காலமானார். அவருக்கு வயது 81.
திரைப்படங்கள் மட்டுமின்றி இந்தி தொலைக்காட்சி சீரியல்களிலும் நடித்திருந்த கிருஷ் கர்னாட் இன்று பெங்களூரில் உள்ள அவரது இல்லத்தில் காலமானதாக அவரது குடும்பத்தினர் தெரிவித்தனர்.
மும்பையை சேர்ந்த கிரிஷ் கர்னாட் தமிழ், தெலுங்கு, கன்னடம், இந்தி, மலையாளம், மராத்தி ஆகிய மொழிகளில் நான்கு தலைமுறை நடிகர்களுடன் இணைந்து நடித்துள்ளார் என்பது குறிப்பிடத்தக்கது.