ரஜினி பாராட்டியதை வெளியே சொல்லி விளம்பரம் தேட விருப்பமில்லை: விஜய்சேதுபதி பட இயக்குனர்
- IndiaGlitz, [Saturday,March 26 2022]
விரைவில் வெளியாக இருக்கும் விஜய் சேதுபதியின் படத்தை இயக்கிய இயக்குனர், ‘ரஜினிகாந்த் இந்த படத்தை பார்த்து பாராட்டியதை வெளியே சொல்லி விளம்பரம் தேட விரும்பவில்லை என கூறியுள்ளார்.
நடிகர் விஜய்சேதுபதி நடிப்பில் இயக்குனர் சீனு ராமசாமி இயக்கத்தில் உருவான திரைப்படம் ’மாமனிதன்’. இந்த படம் ரிலீசுக்கு தயாராகி மூன்று வருடங்கள் ஆகிவிட்ட நிலையில் தற்போது தான் மே 20 என ரிலீஸ் தேதி என அறிவிக்கப்பட்டு உள்ளது.
இந்நிலையில் இந்த படத்தை சமீபத்தில் பார்த்த சூப்பர் ஸ்டார் ரஜினிகாந்த், விஜய் சேதுபதி ,சீனு ராமசாமி உள்பட படக்குழுவினர்களை மனம் திறந்து பாராட்டியுள்ளார். இதுகுறித்து சீனு ராமசாமி தனது சமூக வலைத்தளத்தில் கூறியிருப்பதாவது:
ஜனவரியில் மாமனிதன் படம் பார்த்து பாராட்டி,நெகிழ்வாக தொலைபேசியில் நீங்கள் பேசியதை வெளியே சொல்லவில்லை. அது விற்பனைக்காக நான் சொல்வதாக சொல்வார்கள். நீங்கள் படம் பார்த்ததே ஆசிகள், அதுபோதும் என்றேன். இன்று வெளியீட்டு தேதி தானாகவே விற்பனையாவும் முடிந்தது சார். நன்றி ரஜினிகாந்த் அவர்களே’ என்று பதிவு செய்துள்ளார்.
விஜய்சேதுபதி, காயத்ரி, லலிதா, குரு சோமசுந்தரம், கஞ்சா கருப்பு உள்பட பலர் நடித்துள்ள ‘மாமனிதன்’ திரைப்படம் யுவன்ஷங்கர் ராஜா இசையில் சுகுமார் ஒளிப்பதிவில் ஸ்ரீகர் பிரசாத் படத்தொகுப்பில் உருவாகியுள்ளது.
ஜனவரியில்#மாமனிதன் படம் பார்த்து
— R.Seenu Ramasamy (@seenuramasamy) March 26, 2022
பாராட்டி,நெகிழ்வாக தொலைபேசியில் நீங்கள் பேசியதை வெளியே சொல்லவில்லை
அது விற்பனைக்காக நான் சொல்வதாக சொல்வார்கள்
நீங்கள் படம் பார்த்ததே
ஆசிகள் அதுபோதும் என்றேன்.
இன்று வெளியீட்டு தேதி
தானாகவே விற்பனையாவும்
முடிந்தது சார்.
நன்றி @rajinikanth ?? pic.twitter.com/CbOTISyXTI