'தெறி' முன்பதிவு தேதி அறிவிப்பு
- IndiaGlitz, [Friday,April 08 2016]
இளையதளபதி விஜய் நடித்த 'தெறி' படத்திற்கு இதுவரை இல்லாத அளவில் மிகப்பெரிய எதிர்பார்ப்பு ஏற்பட்டுள்ளது என்பதை அவ்வப்போது பார்த்து வருகிறோம். இந்த படத்தின் வியாபாரம் உலகம் முழுவதும் மிகப்பெரிய அளவில் ஆனதில் இருந்தே இந்த படத்திற்கு ஏற்பட்டுள்ள எதிர்பார்ப்பை புரிந்து கொள்ளலாம்.
இந்நிலையில் ஏப்ரல் 14ஆம் தேதி உலகம் முழுவதும் ரிலீஸ் ஆகவுள்ள இந்த படத்தின் முன்பதிவு வரும் 10ஆம் தேதி முதல் தொடங்கவுள்ளது. விஜய் ரசிகர்கள் இந்த படத்திற்கான டிக்கெட்டை முன்பதிவு செய்ய இப்பொழுது முதலே தயாராக இருப்பதால் முன்பதிவு தொடங்கிய ஒருசில வினாடிகளில் முதல் நாள் முதல் காட்சியின் டிக்கெட்டுக்கள் விற்பனையாகிவிடும் என எதிர்பார்க்கப்படுகிறது.
கலைப்புலி எஸ்.தாணுவின் பிரமாண்ட தயாரிப்பில் அட்லியின் இயக்கத்தில் விஜய்யின் நடிப்பில் உருவாகியுள்ள இந்த படத்திற்கு ஜி.வி.பிரகாஷ் இசையமைத்துள்ளார். இந்த படத்தின் அனைத்து பாடல்களும் ஏற்கனவே சூப்பர் ஹிட் ஆகியுள்ளதால் இந்த படத்தின் வெற்றி உறுதி செய்யப்பட்டுள்ளதாக கூறப்படுகிறது.