ஒரு நிமிடம் முழுசா பேச முடியல: 6 கட் விஜயகாந்த் வெளியிட்ட வீடியோவை கண்டு கலங்கும் ரசிகர்கள்!
- IndiaGlitz, [Monday,April 15 2019]
தமிழகத்தில், தற்போது நாடாளுமன்ற தேர்தலுக்கான பிரச்சாரம் பரபரப்பாக நடந்து வருகிறது. அனைத்து அரசியல் கட்சிகளும், அரசியல்வாதிகளும், ஒருவரை ஒருவர் குறை கூறிக்கொண்டு, ஓட்டு கேட்டு வருகின்றனர்.
நிலைப்பாடில்லாத இந்த அரசியல் சூழ்நிலையில் யார் வெற்றி பெறுவார் என்று யூகிக்க முடியாத நிலை உருவாகியுள்ளது.
இந்நிலையில் விஜயகாந்த், தேமுதிக கட்சியின் சார்பில் போட்டியிடும் வேட்பாளர்களுக்கு ஆதரவு கேட்டு, வீடியோ ஒன்றை வெளியிட்டுள்ளார்.
37 வினாடிகள் மட்டுமே உள்ள இந்த வீடியோவில், 6 கட் இருக்கிறது. தேர்தல் நேரங்களில், கம்பீரமாக சிங்கம் போல் நின்று கர்ஜித்து பேசிய விஜயகாந்த் இன்று ஒரு நிமிடம் கூட முழுசாக பேச முடியவில்லையே என ரசிகர்களும், தொண்டர்களும் அவரின் நிலையை பார்த்து கலங்கி உள்ளனர்.
ஏற்கனவே விஜயகாந்த் உடல்நல பிரச்சினைக்காக இரண்டு முறை அமெரிக்கா சென்று சிகிச்சை பெற்று திரும்பினார். அதைத் தொடர்ந்து தற்போது அவருடைய உடல்நிலை சரி ஆகாததால் வீட்டில் இருந்தபடியே சிகிச்சை எடுத்து வருகிறார் என்பது குறிப்பிடத்தக்கது.
— Vijayakant (@iVijayakant) April 14, 2019