போங்கய்யா நீங்களும் உங்க கொரோனாவும்: 'கோப்ரா' இயக்குனர் அதிருப்தி
- IndiaGlitz, [Thursday,March 12 2020]
விக்ரம் நடிப்பில் இயக்குனர் அஜய்ஞானமுத்து இயக்கி வரும் ‘கோப்ரா’ திரைப்படத்தின் அடுத்தகட்ட படப்பிடிப்பு ரஷ்யாவில் நடத்த படக்குழுவினர் திட்டமிட்டிருந்த நிலையில் திடீரென இந்த படப்பிடிப்பு ரத்து செய்யப்பட்டதாக தகவல்கள் வெளிவந்துள்ளது
கோப்ரா' படக்குழுவினர் ரஷ்யாவில் சில முக்கியக் காட்சிகளைப் படமாக்கி வந்த நிலையில் ரஷ்யாவிலும் கொரோனா வைரஸ் பாதிப்பு இருந்ததால், இந்திய அரசின் அறிவுறுத்தலை ஏற்று படப்பிடிப்பை பாதியுடன் நிறுத்திவிட்டு நாடு திரும்புகின்றனர். இதனை இயக்குனர் அஜய்ஞானமுத்து தனது சமூக வலைத்தளத்தில் உறுதி செய்ததுடன் ‘போங்கய்யா நீங்களும் உங்கல் கொரோனாவும்’ என்று அதிருப்தியுடன் பதிவு செய்துள்ளார்.
சமீபத்தில் ‘கோப்ரா’ படத்தின் ஃபர்ஸ்ட்லுக் போஸ்டர் வெளியாகி நல்ல வரவேற்பை பெற்றதால் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது. விக்ரம் ஜோடியாக ஸ்ரீநிதி ஷெட்டி நடிக்கும் இந்த படத்தில் பிரபல கிரிக்கெட் வீரர் இர்பான் பதான் ஒரு முக்கிய கேரக்டரில் நடித்து வருகிறார். மேலும் இயக்குனர் கே.எஸ்.ரவிகுமாரும் ஒரு கேரக்டரில் நடித்து வருகிறார். ஆஸ்கார் நாயகன் ஏ.ஆர்.ரஹ்மான் இசையமைத்து வரும் இந்த படம் இவ்வாண்டு இறுதியில் வெளியாகும் என எதிர்பார்க்கப்படுகிறது
Corona attack for #Cobra ???? Packing up shoot in Russia halfway due to the travel ban rules by Indian Goverenment!! ???? Pongaya neengalum Unga corona vum!! ????
— Ajay Gnanamuthu (@AjayGnanamuthu) March 12, 2020