விஷால் நடித்த வெற்றி படத்தை இயக்கிய இயக்குனரின் அடுத்த திரைப்படத்தில் ராகவா லாரன்ஸ் நடிக்க இருப்பதாக கூறப்படுகிறது.

விஷால் நடிப்பில் உருவான ’அயோக்யா’ திரைப்படம் கடந்த 2019 ஆம் ஆண்டு வெளியானது என்பதும் இந்த படம் நல்ல வரவேற்பு பெற்றது என்பது தெரிந்ததே. இந்த நிலையில் இந்த படத்தை இயக்கிய வெங்கட் மோகன் இயக்கத்தில் உருவாக இருக்கும் அடுத்த படத்தில் ராகவா லாரன்ஸ் நடிக்க இருப்பதாகவும், இயக்குனர் வெங்கட் மோகன் கூறிய கதை ராகவா லாரன்ஸ்க்கு பிடித்து போனதால் உடனே இந்த படத்தில் நடிக்க அவர் ஒப்புக்கொண்டதாகவும் கூறப்படுகிறது.

மேலும் இந்த திரைப்படத்தை தமிழ் திரை உலகின் முன்னணி நிறுவனமான சத்யஜோதி பிலிம்ஸ் தயாரிக்க இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது

ராகவா லாரன்ஸ் ஏற்கனவே ‘சந்திரமுகி 2’ மற்றும் ’ருத்ரன்’ ஆகிய திரைப்படங்களில் நடித்து முடித்துள்ள நிலையில் இந்த படங்கள் விரைவில் ரிலீஸ் ஆகவுள்ளன. அதுமட்டுமின்றி ’அதிகாரம்’ ’ஜிகர்தண்டா 2’ ஆகிய படங்களிலும் ராகவா லாரன்ஸ் நடிக்க உள்ளார். இந்த நிலையில் வெங்கட் மோகன் இயக்கத்திலும் ஒரு படத்தில் ராகவா லாரன்ஸ் நடிக்க உள்ளதாக கூறப்படுகிறது.