தமிழ் திரை உலகின் இளைய தலைமுறை நடிகர்களில் ஒருவரான விஷ்ணு விஷால் நடித்த ‘கட்டா குஸ்தி' என்ற திரைப்படம் சமீபத்தில் வெளியானது என்பதும் இந்த படம் ரிலீஸான முதல் நாளில் இருந்தே பாசிட்டிவ் விமர்சனங்களை பெற்று வசூலை குவித்து வருகிறது என்பதும் தெரிந்ததே.

விஷ்ணு விஷால், ஐஸ்வர்யா லட்சுமி, ரவிதேஜா, முனிஸ்காந்த், உள்பட பலரது நடிப்பில் உருவான இந்த படத்தை செல்லா அய்யாவு இயக்கி இருந்தார் என்பதும் ஜஸ்டின் பிரபாகரன் இசையில் உருவான இந்த படம் ரசிகர்களின் மாபெரும் வரவேற்பை பெற்றது என்பது குறிப்பிடத்தக்கது.

இந்த நிலையில் இந்த படம் ரூபாய் 13 கோடி பட்ஜெட்டில் உருவாகிய நிலையில் தற்போது தமிழ் தெலுங்கில் இந்த படம் உலகம் முழுவதும் ரூபாய் 30 கோடியை வசூல் செய்துள்ளதாக தகவல்கள் வெளியாகியுள்ளன. பட்ஜெட்டை விட இரு மடங்கிற்கும் அதிகமாக வசூலாகியுள்ளதை அடுத்து படக்குழுவினர் மகிழ்ச்சியில் உள்ளனர்.

விஷ்ணு விஷாலின் ‘கட்டா குஸ்தி’ மிகப்பெரிய வெற்றி பெற்றுள்ள நிலையில் அவருடைய அடுத்தடுத்த படங்களுக்கும் நல்ல வியாபாரம் நடக்கும் என்று எதிர்பார்க்கப்படுகிறது.