close
Choose your channels

பிரபல பாலிவுட் நடிகர் விவேக் ஒபராய் வீட்டில் மத்திய குற்றப்பிரிவு போலீசார் தீவிர சோதனை!!!

Thursday, October 15, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல பாலிவுட் நடிகர் விவேக் ஒபராய் வீட்டில் மத்திய குற்றப்பிரிவு போலீசார் தீவிர சோதனை!!!

 

போதைப் பொருள் கடத்தல் வழக்கு தொடர்பாக நடிகர் விவேக் ஓபராய் வீட்டில் மத்திய குற்றப்பிரிவு போலீசார் தீவிரச் சோதனையில் ஈடுபட்டு வருகின்றனர். போதைப் பொருள் கடத்தல் வழக்கில் கைதாகி பெங்களூரு சிறையில் வைக்கப்பட்டு இருக்கும் நடிகை ராகினி திவேதி அளித்த தகவலின்பேரில் இந்தச்சோதனை நடைபெற்று வருவதாகவும் கூறப்படுகிறது.

நடிகர் சுஷாந்த் சிங் தற்கொலைக்குப் பின்னர் போதைப் பொருள் குறித்த விவாதங்கள் பாலிவுட் விவாதங்கள் சூடு பிடிக்கத் தொடங்கி விட்டது. ஆனால் கர்நாடக திரை நட்சத்திரங்கள் மத்தியில் போதைப் பொருள் புழங்குவதாக பல மாதங்களுக்கு முன்பே விசாரணை தொடங்கப்பட்டு விட்டது. இந்த விசாரணை மத்தியக் குற்றப்பிரிவு இணை போலீஸ் கமிஷனர் சந்தீப் பட்டீல் தலைமையில் நடைபெற்று வருகிறது. இந்த வழக்கில் போதைப் பொருள் பயன்படுத்தியது மற்றும் அந்தக் கும்பலுடன் தொடர்பில் இருந்ததாக நடிகை ராகினி திவேதி, சஞ்சனா கல்ராணி மற்றும் அவர்களது நண்பர்கள் என 14 பேர் மீது போதைப் பொருள் தடுப்புச் சட்டத்தின்கீழ் போலீசார் வழக்குப் பதிவு செய்துள்ளனர்.

இந்நிலையில் பெங்களூரு சிறையில் இருக்கும் நடிகை ராகினி திவேதி அளித்த தகவலின்பேரில் மும்பையில் உள்ள நடிகர் விவேக் ஓபராய் வீட்டில் மத்திய குற்றப்பிரிவு போலீசார் சோதனையில் ஈடுபட்டு வருகின்றனர். இந்த வழக்கில் விவேக் ஓபராயின் மைத்துனர் ஒருவருக்கும் சம்பந்தம் இருப்பதாகக் கூறப்படுகிறது. ஆனால் இந்த வழக்கு விசாரணை தொடங்கப்பட்ட உடனே அவர் தலை மறைவு ஆகிவிட்டதாகவும் தகவல் கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.