బిగ్‌బాస్ 3లో నాగ్...?
- IndiaGlitz, [Tuesday,March 19 2019]
హిందీ నుండి తెలుగులోకి వ‌చ్చిన తొలి రియాలిటీ షో బిగ్ బాస్‌. స్టార్ మా వారు నిర్వ‌హిస్తున్న ఈ రియాలిటీ షో ఇప్ప‌టికి రెండు సీజ‌న్స్‌ను పూర్తి చేసుకుంది. తొలి సీజ‌న్‌లో ఎన్టీఆర్ వ్యాఖ్యాత‌గా వ్య‌వ‌హ‌రిస్తే.. బిగ్‌బాస్ 2కి నాని వ్యాఖ్యాత‌గా వ్య‌వ‌హ‌రించాడు.
అయితే ఇప్పుడు రెండో సీజ‌న్‌లో ఎదురైన ప‌రిస్థితుల దృష్ట్యా నాని మూడో సీజ‌న్‌కు వ్యాఖ్యాత‌గా వ్య‌వ‌హ‌రించలేనని చెప్పారు. ఇక ఎన్టీఆర్ 'ఆర్ ఆర్ ఆర్' షూటింగ్ కార‌ణంగా బిగ్‌బాస్ సీజ‌న్ 3లో పార్టిసిపేట్ చేయ‌లేనని చెప్పేశాడు. దీంతో నిర్వాహ‌కులు బిగ్‌బాస్ 3ని ఎవ‌రితో హోస్ట్ చేయించాలా? అని ఆలోచిస్తున్నారు.
అయితే 'మీలో ఎవ‌రు కోటీశ్వ‌రుడు' ప్రోగాంను స‌క్సెస్‌ఫుల్‌గా ర‌న్ చేసిన నాగార్జున వారికి బెస్ట్ అప్ష‌న్‌గా క‌న‌ప‌డుతున్నారు. దాంతో నిర్వాహ‌కులు నాగార్జున‌ను ఓప్పించే ప‌నిలో ఉన్నారు. ఎలాగూ నాగార్జున త‌న స్వంత సినిమాల్లోనే న‌టిస్తున్నారు.. క‌నుక డేట్స్ స‌మ‌స్య రాక‌పోవ‌చ్చు.