சூப்பர் ஸ்டார் ரஜினியை சந்தித்த உலகக்கோப்பையை வென்ற கிரிக்கெட் வீரர்.. வைரல் புகைப்படம்..!
- IndiaGlitz, [Thursday,May 18 2023]
சூப்பர் ஸ்டார் ரஜினிகாந்தை சமீபத்தில் கொல்கத்தா நைட் ரைடர்ஸ் வீரர்கள் வெங்கடேஷ் ஐயர் மற்றும் வருண் சக்கரவர்த்தி ஆகியோர் சந்தித்தனர் என்பதும் அது குறித்த புகைப்படங்கள் இணையதளங்களில் வைரல் ஆனது என்பதையும் பார்த்தோம். இந்த நிலையில் சற்றுமுன் இந்தியாவுக்கு உலக கோப்பையை பெற்று தந்த முன்னாள் கிரிக்கெட் வீரர் கபில்தேவ் ரஜினியை சந்தித்த புகைப்படம் இணையதளங்களில் வைரல் ஆகி வருகின்றன.
கடந்த 1983 ஆம் ஆண்டு இந்தியாவுக்கு உலக கோப்பை கிரிக்கெட் கோப்பையை பெற்று தந்தவர் அன்றைய இந்திய அணியின் கேப்டன் கபில்தேவ் என்பது அனைவரும் அறிந்ததே. இந்த நிலையில் கிரிக்கெட் போட்டியில் இருந்து ஓய்வு பெற்ற அவர் வர்ணனையாளராக சில ஆண்டுகள் இருந்தார் என்பதும் குறிப்பிடத்தக்கது.
இந்த நிலையில் சூப்பர் ஸ்டார் ரஜினிகாந்த்தை முன்னாள் கிரிக்கெட் வீரர் கபில் தேவ் சந்தித்துள்ளார். இந்த சந்திப்பு மரியாதை நிமித்தமானது என்று கூறப்படுகிறது. இது குறித்த புகைப்படங்களை ரஜினிகாந்த் மற்றும் கபில்தேவ் ரசிகர்கள் வைரல் ஆக்கி வருகின்றனர்.
ரஜினியுடனான சந்திப்பு குறித்த புகைப்படத்தை தனது சமூக வலைத்தளத்தில் பதிவு செய்த கபில்தேவ் ’ஒரு மிகப்பெரிய மனிதரை சந்தித்ததில் தனக்கு பெரும் பாக்கியம்’ என்று தெரிவித்துள்ளார்.
It is my honour and privilege working with the Legendary, most respected and wonderful human being Kapildevji., who made India proud winning for the first time ever..Cricket World Cup!!!#lalsalaam#therealkapildev pic.twitter.com/OUvUtQXjoQ
— Rajinikanth (@rajinikanth) May 18, 2023