వాల్మీకి టైటిల్ మార్పులో వైసీపీ ఎంపీ హస్తం?
- IndiaGlitz, [Saturday,September 21 2019]
వాల్మీకి అలియాస్ గద్దలకొండ గణేష్ చిత్రం రిలీజ్ అయి హిట్ టాక్ సొంతం చేసుకుంది. కానీ చివరి నిమిషంలో సినిమా టైటిల్ మార్పుపై డైరెక్టర్ హరీష్ శంకర్ కన్నీరు పెట్టుకోగా... మెగా అభిమానులు నిరాశకు లోనయ్యారు. అయితే టైటిల్ మార్పు విషయం లో వైసీపీ ఎంపీ హస్తం ఉందని తెలుస్తోంది.
ఒక ఫ్యాక్షన్ సినిమాకు వాల్మీకి టైటిల్ పెట్టడం ఏంటని... బోయ సంఘాలు, వాల్మీకి కులస్తులు నిరసనలు, ధర్నాలు చేపట్టారు. కానీ వారి ప్లాన్ వర్కౌట్ కాకపోవడంతో వాల్మీకి వంశీయుడైన వైసీపీ ఎంపీ తలారి రంగయ్యకు ఫిర్యాదు చేశారు. దీంతో రంగయ్య కేంద్రమంత్రి ప్రకాష్ జవదేకర్ ను కలిసి పరిస్థితి వివరించారు. దీంతో వాల్మీకి కాస్త గద్దలకొండ గణేష్ గా మారిపోయింది. అయిన కూడా హిట్ టాక్ సొంతం చేసుకుని మంచి వసూళ్లు సాధిస్తోంది వాల్మీకి.