ஜனவரி 25 ரிலீஸ் பட்டியலில் இணைந்த யோகி பாபு படம்.. அதிகாரபூர்வ அறிவிப்பு..!
- IndiaGlitz, [Sunday,January 07 2024]
வரும் பொங்கல் தினத்தில் 'அயலான்’ ’கேப்டன் மில்லர்’ ’மிஷன் சாப்டர் ஒன்’ மற்றும் ’மெர்ரி கிறிஸ்துமஸ்’ ஆகிய நான்கு திரைப்படங்கள் ரிலீஸ் ஆக இருக்கும் நிலையில் குடியரசு தின விழா விருந்தாக ஜனவரி 25ஆம் தேதி ரிலீஸ் ஆகும் படங்கள் கொடுத்த பட்டியலை பார்த்தோம்.
ஜனவரி 25ஆம் தேதி ’சிங்கப்பூர் சலூன்’ ’ப்ளூ ஸ்டார்’ ஆகிய இரண்டு திரைப்படங்கள் ரிலீஸ் ஆவது உறுதி செய்யப்பட்டுள்ள நிலையில் ‘ரிபல்’, ‘டிமாண்டி காலனி 2’ உள்பட ஒரு சில படங்களும் ரிலீஸ் ஆகலாம் என்று எதிர்பார்க்கப்படுகிறது.
இந்த நிலையில் ஜனவரி 25ஆம் தேதி யோகி பாபு நடித்த ’தூக்குத்துரை’ திரைப்படம் ரிலீஸ் ஆகவுள்ளதாக சற்றுமுன் அதிகாரபூர்வமாக அறிவிக்கப்பட்டு ரிலீஸ் தேதியுடன் கூடிய போஸ்டர் வெளியாகியுள்ளது. இந்த போஸ்டர் தற்போது இணையத்தில் வைரலாகி வருகிறது.
யோகி பாபு நடித்த ’ட்ரிப்’ என்ற படத்தை இயக்கிய இயக்குனர் டென்னிஸ் மஞ்சுநாத் இயக்கத்தில் உருவாகும் ’தூக்குதுரை’ படத்தில் யோகி பாபு ஹீரோவாக நடித்துள்ளார். யோகிபாபு ஜோடியாக இனியா நடிக்கும் இந்த படத்தில் பாலசரவணன், மொட்ட ராஜேந்திரன், மகேஷ் சுப்பிரமணியம், செண்ட்ராயன், உள்பட பலர் நடித்து உள்ளனர். ரவிவர்மா ஒளிப்பதிவில் தீபக் படத்தொகுப்பில் உருவாகியுள்ள இந்த படத்திற்கு கேஎஸ் மனோஜ் என்பவர் இசையமைத்துள்ளார், இந்த படத்தின் புரமோஷன் பணிகள் விரைவில் தொடங்கவுள்ளன,.