சம்பளம் எவ்வளவு? மனம் திறந்த யோகிபாபு
- IndiaGlitz, [Saturday,May 04 2019]
யோகிபாபுவின் ஒருநாள் சம்பளம் லட்சக்கணக்கில் இருப்பதாக கோலிவுட்டில் கூறப்பட்டு வரும் நிலையில் தன்னுடைய சம்பளம் எவ்வளவு என்பதை இன்று நடைபெற்ற 'தர்மபிரபு' படத்தின் இசை வெளியீட்டு விழாவில் தெரிவித்துள்ளார். இதுகுறித்து அவர் பேசியதாவது:
தயாரிப்பாளர்களின் கஷ்டத்தை புரிந்தவன் நான். ஞானவேல்ராஜ் கூறியதுபோல் நான் எந்த தயாரிப்பாளரிடமும் பத்து லட்சம் சம்பளம் கேட்டதில்லை. ஏனெனில் நான் இரண்டாயிரம், மூவாயிரம் சம்பளம் வாங்கியவன் என்பது பலருக்கு தெரியும். பல தயாரிப்பாளர்களிடம் இருந்து பணம் வருவதில்லை என்பதுதான் உண்மை. பல புதிய இயக்குனர்கள், தயாரிப்பாளருக்கு நான் குறைவான சம்பளத்தில் நடித்து கொடுத்து உதவி செய்துள்ளேன். நேற்று கூட ஒரு இளம் இயக்குனர் தனது குடும்ப கஷ்டத்தை கூறிய நிலையில் அவருக்காக நான் பாதி சம்பளத்தில் நடிக்க ஒப்புக்கொண்டேன்.
எனவே என்னை பிடிக்காதவர்கள் எனது சம்பளம் குறித்து சொல்வதை யாரும் நம்ப வேண்டாம். என்னுடைய சம்பளம் எவ்வளவு என்பதை தெரிந்து கொள்ள வேண்டுமானால் நேராக என்னிடம் வந்து கேளுங்கள். மற்றவர்களிடம் கேட்க வேண்டாம். உங்க கம்பெனிக்கே நான் ரெண்டு படம் பண்ணியிருக்கேன். அதில் எவ்வளவு சம்பளம் கொடுத்தீர்கள் என்பது உங்களுக்கே தெரியும் என்று கூறினார். யோகிபாபுவின் இந்த வெளிப்படையான பேச்சு அனைவரையும் கவர்ந்தது.